أحمد قربان
ستديو فيسرال للالعاب (Visceral Games) مطور لعبة باتل فيلد هاردلاين (Battlefield Hardline) اعطى معلومات جديدة عن بعض التغييرات اللي راح تصير باللعبة النهائية. طبعا هذي التغييرات بيسوونها بعد ما اطلقوا البيتا – نسخة تجريبية- خلال الاسبوع الماضي اللي لعبها اكثر من 7 مليون لاعب و شافوا اراء الناس و انطابعاتهم و طلبتاهم.
ستديو فيسرال قال انه ماراح يسوي تغييرات كبيرة باللعبة، لكنهم راح يعدلوا على بعض الاسلحة. ديفيد برايس (David Price) مصمم اسلحة اللعبة وضح ان بعض الرشاشات من نوع الاسولت (Assault Riles) راح تزيد نسبة الاهتزاز فيها لتقليل قوتها و ماتكون قوية زيادة عن اللزوم، ايضا راح يتم تغيير بعض الاسلحة الاولية اللي تلعب بها في بداية اللعبة وتكون اسلحة سهلة و يقدر اللاعب يتعلم عليها بشكل اسرع.
قال ثاد سيزير (Thad Sesser) مصمم الطور الاونلاين التنافسي: “تذكروا ان احنا دائما نسمع لارائكم البناءة عن اسلوب اللعب -Gameplay- ونرحب بها. في نفس الوقت احنا نبغا اللاعبين يعرفوا رؤيتنا اللي نبغا نطبقها ونتمنى انها توضح لهم”
لعبة باتل فيلد هاردلاين راح تنزل يوم 17 من شهر مارس في امريكا و يوم 20 من شهر مارس في بريطانيا على الاكس بوكس 360، اكس بوكس ون، بلايستيشن 3، بلايستيشن 4 والبي سي.
واضح انها تغييرات بسيطة و ماراح يلاحظها الا اللاعبين اللي ادمنوا البيتا. من ناحية ثانية كتبنا خبر عن اذا لعبت احد الثلاثة الاجزاء الاخير لسلسلة باتل فيلد راح يكون لك جوائز خاصة في هاردلاين وهذا الشي معروف في سلسلة باتل فيلد. وايضا كتبنا هاردلاين مبدئيا ماراح يكون فيها دبابات. و اخيرا كتبنا ان اللعبة تطويرها كان يعتمد بشكل اساسي على اراء اللاعبين.
اش رايكم بالتغييرات تشوفوا انها بتفرق؟
بارعة
احمد خالد
