بودكاست Saudi Gamer

تغطيه حماسيه للجولة الأولى من كأس عالم فيفا التفاعلية. ساعدونا يا شباب بنشر الفيديو عشان تدعمون قناتنا

مشهور الدبيان فيديو

السالفه ومافيها، ندوّر مصمّم جرافيكس ينضم لفريق العمل في الموقع ويصير جزء منه عشان يساعدنا نطوّر الاشياء اللي نقدمها أكثر وأكثر. كل اللي يهمنا انه:

• يكون راعي العاب كمبيوتر، مو واحد ما يعرف اي شي عن الالعاب.
• عنده حس فني حلو ويعرف يسوي تصاميم جميله ببساطتها، مو شغل الزبرقه حق المنتديات.
• يلتزم بمواعيده.
• مهتم لتطوير سعودي جيمر وتقديم الأفضل لمتابعينه، ويبادر بالعمل، يعني ما يكون من النوع اللي ينتظر احد يقول له وش يسوي.

ويفضّل انه (لكن مو ضروري):

• تكون عنده مهارات اضافية لها علاقه بالتصميم (رسم، انميشن، مونتاج…الخ).
• يكون احد متابعين سعودي جيمر.
• يكون في الرياض.
• يكون فوق الـ18، عشان اذا طلعنا سوا ما يصير شكلنا شبهه (ولا بنضطر نخلي فيصل ما يجي )

واذا ما كنت مصمّم جرافيكس فياليت تساعدنا وتنشر الموضوع

مشهور الدبيان تحديثات الموقع

أكثر لعبة استمتع فيها فريق العمل هذا الشهر هي لعبة Uncharted: Golden Abyss المتوفرة حصرياً على جهاز البلايستيشن فيتا.

تعتبر انتشارتد من اقوى الالعاب الي نزلت مع جهاز البلايستيشن فيتا. ومع انه فيها شوية “خنبقه” في طريقة استغلال مزايا اللمس في الجهاز، الا ان اللعبه اجمالاً ممتعه ولازم يلعبها أي عاشق للسلسلة أو لالعاب المغامرات عموماً.

وش اكثر لعبة استمتعت فيها هذا الشهر؟

مشهور الدبيان مواضيع عامه

تحديث: تم تأجيل بداية التصفيات بحيث تبدأ يوم الخميس، بنفس المواعيد الموضحه

وصلتنا من سوني القائمة النهائيه للمشاركين في الجولة الأولى من كأس عالم فيفا التفاعلية اللي بتكون في الرياض في عالم بلايستيشن (شارع التحلية) يومين الاربعاء والخميس (29 فبراير – 1 مارس).

• الجولة بتبدا بمشاركة 256، 128 ضد 128.
• التصفيات تبدأ الساعه 4:30 يوم الاربعاء، والمباريات بتكون حسب الجدول الموجود في آخر الموضوع.
• جدول يوم الخميس بيتوفّر لنا بكره ان شاءالله بعد نهاية أول مجموعه.
• الانتظار للحضور هو 5 دقايق لكل مباراة، في حالة عدم الحضور يتأهل اللاعب الموجود.
• الفائز يوم الخميس يتأهل للعب في دبي على مستوى الدول العربيه، وبعدها لاوروبا على مستوى العالم.

بالتوفيق للجميع!

مشهور الدبيان أحداث

مشهور الدبيان فيديو

تحديث: انتهى العدد المحدد من المقاعد، شكراً لكل من اهتم وسجّل. اللي سجّل -في حال اختياره- بيكلمونه الشركه المنظمه يعطونه تفاصيل اكثر عن مشاركته.

مثل ما ذكرنا في الموضوع السابق، بامكانك الآن تشترك في بطولة فيفا 12 العالمية عن طريق موقعنا.

عندنا 50 مقعد حصري اعطوهم لنا منظمين البطولة، فاذا كنت في السعودية لا تفوتك الفرصة في الاشتراك عن طريق تعبئة بياناتك في نموذج الاشتراك

وفي حال ما لحقت على مقعد معنا، جرب حظك مع المقاعد المتوفره عند اخواننا في زيباد

مشهور الدبيان أحداث

تبدأ في أول مارس تصفيات منطقة الشرق الأوسط التابعة لبطولة فيفا 2012 العالمية “Fifa Interactive World Cup”، وهي بطولة يشارك فيها عدد ضخم من لاعبين فيفا من جميع انحاء العالم (وصل في بطولة 2011 الى 900,000 تقريباً!)، والفايز بالمركز الأول بيحصل على 20 الف دولار (75 ألف ريال)، بالاضافة الى رحلة الى حفل Fifa Ballon d’Or Gala، يعني شي خرافي اذا انت من عشاق الكوره (أو من عشاق الفلوس على الاقل ).

بالنسبة لتصفيات السعودية، فراح تكون في الرياض في يوم 1 و 2 مارس في عالم بلايسيتشن في التحلية.

الشركة المنظمة اعطتنا 50 مقعد حصري للي حابين يشتركون في البطولة عن طريق موقعنا. يوم السبت راح ننشر موضوع ان شاءالله يوضح كيف تقدر تشترك (الاشتراك ما بدأ حالياً)،

المقاعد بتكون لأول 50 شخص يسجّل (حسب اشتراط الشركة المنظمة)، فتابعنا عن طريق حسابنا في تويتر أو صفحتنا في الفيسبوك عشان تنتبه لموضوع الاشتراك بمجرد نزوله مساء يوم السبت ان شاءالله، وما تروح عليك الفرصة.

مشهور الدبيان أحداث

حاولت اموّت البطل حق Neverdead بالقوه بس شكله ما يموت

مشهور الدبيان فيديو

بامكانك الآن تحجز نسخه من جهاز البلايستيشن فيتا اللي بينزل في تاريخ 22 فبراير، وبكذا تضمن جهازك وتاخذ مزايا اضافية مجاناً.

وش بتستفيد اذا حجزت من الحين؟

بيعطونك هذي الاشياء الاضافية مع جهازك اذا استملته موعد اطلاق الجهاز.

• سماعات حصرية أو محفظة لجهازك.
• FROBISHER SAYS! (تطبيق استعراض، حصري لثلاث شهور)
• تخفيض بقيمة $5 على ألعاب البلايستيشن فيتا مختارة على سوق PSN
• أدوات بلايستيشن فيتا على PlayStation Home (نظارات شمسية رقمية + سماعات + ملابس + حقيبة)
• صورة بلايستيشن فيتا لحسابك في PSN

كيف تقدر تحجز الجهاز؟

تدفع عربون 500 ريال للجهاز (بيعطكونك كوبون) من احد الاماكن التالية:

• جميع معارض “عالم سوني” حول المملكة.
• محلات النسر وبعض محلات الالعاب الكبيره الثانية.
• فروع معارض إكسترا في الرياض (فرع الورود او غرناطه او طريق الملك عبدالله) وجدة (فرع شارع الامير سلطان او شارع التحلية) والمنطقة الشرقيه (فرع الخبر او الدمام).

صورة الكوبون:

مع العلم بان سعر الجهاز الرسمي هو 1200 ريال لنسخة الواي فاي، و1500 ريال لنسخة الثري جي.

هل ناوي تحجز الجهاز؟ شاركنا برأيك في التعليقات.

ولا تنسى تشيّك على مقاطع الفيديو اللي سويناها عن الجهاز.

مشهور الدبيان أحداث

سؤال هذا الاسبوع هو: وش الخدمات أو المواصفات اللي تتمناها في الجيل الجاي من اجهزة الالعاب؟ خدمات معينة للاونلاين مثلاً، او مواصفات معينة في الجهاز نفسه.

شاركنا برأيك في التعليقات! بنختار عدد من التعليقات نقراها ونناقشها في الحلقه القادمه البودكاست.

بامكانك تقترح لنا سؤال على: info @ saudigamer .com (بدون مسافات)

وبامكانك تتصفّح الاسئله السابقة في قسم مواضيع البودكاست

مشهور الدبيان مواضيع البودكاست