أكثر لعبة استمتع فيها فريق العمل هذا الشهر هي لعبة The Witcher 2 المتوفرة على الاكس بوكس 360 و الـPC
لعبة The Witcher 2 (ذا ويتشر 2) لعبة RPG عميقة تحتاج وقت الى ما تفهمها، لكن بمجرد ما تتقن اساسياتها بتلقى فيها متعه كبيره، وبتقضي فيها ساعات طويله على ما تستكشف عالمها وتنهي المهمات الموجودة في اللعبة. عمق اللعبه وجمال عالمها واهتمام المطوّر بالتفاصيل الصغيرة والموسيقى يخليها لعبه لابد انك تشتريها اذا كنت من عشّاق العاب الـRPG.
تحذير: اللعبة تحتوي على مشاهد فيها تعرّي وغير مناسبة لصغار السن.
للمتابعين في الرياض فقط – ندري ان التظليل ماله اي علاقه في العاب الكمبيوتر، لكن رحت قبل فترة ظللت سيارتي في احد فروع 3M، والشباب السعوديين اللي يملكون الفرع بعد ما دروا عن موقعنا عرضوا خصم ممتاز لأي احد بيجيهم من طرف سعودي جيمر (جت من الله استفدت منه انا بعد).
من الآن ولمدة شهرين بامكانك تستفيد من خصم 25% على جميع خدمات 3M من تظليل حراري وتلميع وغيره. الصيف قرّب، فاذا تبي تظلل وتضبط امورك من الحين ننصحك تزور الفرع وتستفيد من الخصم. كل اللي تسويه انك اول ما تروح الفرع تذكر لهم انك تبي تستفيد من خصم سعودي جيمر.
العرض ساري في فرع 3M الموضح في الصورة (رقمه 014634645):
شاشة البلايستيشن الرسمية (شاشة 3D) اخيراً بتنزل عندنا في السوق السعودي.
الشاشة بتنزل ان شاءالله يوم 1 مايو في محلات عالم بلايستيشن وعالم سوني والموزعين المعتمدين. بسعر 2149 ريال بتاخذ:
شاشة 24 بوصة وضوح عالي مع خاصية 3D.
نظارتين 3D تقدر تستخدمها مع شاشات الـ3D الثانية.
لعبتين بلايستيشن فيهم خاصية 3D: لعبة Gran Turismo 5 و Kill Zone 3
كيبل HDMI.
أرهب ميزة في الشاشة ميزة هي انك تقدر انت وواحد ثاني تلعبون بنفس الشاشه بس كل واحد يشوف شاشه مختلفه (شف الفيديو عشان تفهم وش اقصد) – بس مو متأكدين اذا تشتغل مع كل الالعاب. طبعاً الشاشه تقدر تستخدمها مع الكمبيوتر او التلفزيون ماهي بس للبلايستيشن.
وش رايك في الشاشه؟ وهل ناوي تشتريها؟
شاركنا برأيك بالتعليقات. ترا بيقراها وكيل سوني. صدز ما نمزح.
