محمد الشريف
اكتشفت اليوم بعض قنوات يوتيوب ان ناشر لعبة Call of Duty Advanced Warfare راح يحذفون الفيديو حقك اذا كان يحتوي على أخطاء تقنية للعبة.
وحدة من شبكات يوتيوب، أرسلت الى مشتركينها وحذرتهم من الموضوع بعد ما اكتشفوه، وفعلاً طلع الكلام صحيح، وانزعجت القنوات هذي وصاروا يشتكون منها.
طريقة الحذف بالنسبة للشركة بسيطة، كل اللي تحتاج تسويه انها ترسل copyright strike على الفيديو وبيتم حذفه في فترة بسيطة جدًا.
ناشر اللعبة، Activision، رد على الشكاوي هذي وقالوا انهم يحذفون القنوات اللي تحتوي على أخطاء تقنية، بالاضافة الى محتويات فيها تخريب للعبة أو تعليم الناس على الأخطاء التقنية بحيث يستغلونها.
في رد ثاني للشركة، قالت آكتيفجن انها تحذف الفيديوات اللي فيها تعليم للناس على أخطاء اللعبة، بحيث يمكن يستغلونها بشكل سيء في اللعبة، أو الفيديوات اللي تظهر اللعبة بشكل سيء، بمعنى الفيديوات اللي تحتوي على أخطاء تقنية.
في تصريح الشركة، زعمت برضه انها تتبع هذي الخطوات من زمان، لكن قنوات وشبكات يوتيوب يختلفون مع آكتفيجت في هذا الكلام، بحيث اشتكوا من كثرة الحذف اللي يصير في الفيديوات.
عموماً، سالفة حذف الفيديوات من طرف شركات الألعاب هو شي مزعج بالنسبة لأصحاب القنوات في يوتيوب، لانه يسمح لأي شركة انها تحذف الفيديو اللي يتكلم عن لعبتها بدون أي قيود.
وش رأيكم في حذف آكتفيجن للفيديوات اللي تحتوي على أخطاء تقنية للعبة؟
احمد خالد
بارعة
أيمن اليغشي