يزيد السويري
تكلم مطور سلسلة ستريت فايتر الاخ يوشينوري أونو في مقابلة مع مجلة فاميتسو المعروفة عن السبب اللي ما يخلي الشركة تسوي أجزاء جديدة لالعاب زي Street Fighter X Tekken و Campcom Vs. SNK. رد أونو على مطالب الناس بجزء جديد لهذه الالعاب وقال:
” هذا اللي قاعد أقوله للشركة، لكن في النهاية صعب أنك تقنع واحد ما يشوف الا الفلوس قدامه *يقولها وهو يضحك XD*. على سبيبل المثال اذا في لعبة ما تعدت مبيعاتها 2 مليون نسخة وقتها نضظر نوقف أي خطط لتطوير جزء ثاني لها.
“كل اللي أقدر أقوله إنه ما كنا شغالين بالشكل المطلوب. وكل اللي نقدر نسويه الآن أننا نستفيد من تجاربنا القديمة ونطبق اللي تعلمناه على ألعاب ثانية”.
بعد سماعي لهذا الخبر فقدت الامل أنه ينزل جزء جديد لأفضل لعبة قتال 2D عندي وهي لعبة Campcom Vs. SNK 2. اللعبة اللي ما زلت العبها على المحاكي عندي في الكومبيوتر لحد الآن. اللعبة كانت ممتازة جدا بأسلوب لعب سريع وممتع تجمع بشكل خاص شخصيات ستريت فايتر مع كينق أوف فايتر وبشكل عام شخصيات شركة كابكوم مع إس إن كي. أتمنى على الاقل لو ينزلون لها ريميك HD ويضيفون لها طور الأونلاين لكن ما أقول إلا زي ما قال أبو الطيب المتنبي :مَا كلُّ ما يَتَمَنّى المَرْءُ يُدْرِكُهُ — تَجْرِي الرِّيَاحُ بِمَا لاَ تَشْتَهِي السُّفُنُ. وسلامتكم.
احمد خالد
Saudi Gamer
بارعة