هالسنه ان شاءالله راح نغطي معرض E3 – أكبر معرض لالعاب الكمبيوتر – من أرض الحدث ان شاءالله.
ولكن! ما راح نطفّشكم بكم كبير من التقارير والاخبار المملة. نبي نروح نجيب المعلومات اللي فعلاً تهمّك كمتابع لموقعنا. طبعاً راح تكون فيه تغطية عامه للمعرض، لكن اللي يهمّنا أكثر اننا نجيب لك الاجابات اللي تبيها “أنت”.
فاللي راح نسويه هو التالي: اسألنا اي شي تبي تعرفه موجود في المعرض (سواء كان عن لعبه او غيره) ونبي نبذل كل جهودنا في اننا نجيب لك الاجابه وبالفيديو بعد ان امكن بعد. تبي نشيّك لك على ميزه اذا هي موجوده في لعبه تنتظرها؟ تبي نحاول نسأل مطوّر لعبه معينه سؤال في بالك؟ …الخ
الاسئلة بامكانك ترسلها على بريدنا المخصّص للحدث e3 @ saudigamer . com أو تكتبها في التعليقات في هذا الموضوع.
واذا ما كنت تعرف الالعاب الموجودة في المعرض، فبامكانك الاطلاع على قائمة الألعاب في IGN.
تحديث:اعتقد جانا عدد كافي من الاسئلة، راح نكتفي بهذا القدر عشان نبدا بالاعداد للرد عليها جميعاً ان شاءالله. شكراً لكل من شارك
نناقش في هذي الحلقة فيفا 12 قادمه بالعربي، هل بيكون فيه ثري دي للاكس بوكس؟، خساير سوني من اختراق شبكة البلايستيشن، هل بدأ تطوير بلايستيشن 4؟، كوجيما يندم على مشروع اشتغل عليه لمدة سنه،.. ومواضيع كثيره غيرها!
دليل الحلقة
وش كنت تلعب (00:06:45)، الاخبار (00:21:00)، آراء المستمعين (01:20:00)، اسئلة المستمعين (01:27:00)
تقديم مشهور الدبيان، أحمد الأحمري، محمد الشريف، صالح النشوان، طارق الدخيل.
وصلنا بيان صحفي من شركة EA يذكر ان اللعبه القادمه من سلسلة Fifa 12 بيكون فيها قوائم وتعليق باللغه العربية (مع المعلقين عصام الشوالي وعبدالله الحربي) – شي ننتظره من زمان صراحه بغض النظر اذا تحب المعلقين هذولي أو لا.
اعتقد الشي هذا راح يجذب باقي محبي Pro Evolution Soccer الى سلسلة فيفا، ولا وش رايك؟
نطرح كل أسبوع سؤال في الموقع متعلّق بالعاب الكمبيوتر بشكل عام (او بالمستمعين) و نختار بعض الأجوبه بحيث نطرحها في الحلقه اللي تليها في الفقره المخصصه لها.
سؤال هذا الاسبوع هو: وش رأيك في الهدايا التعويضية من سوني؟ الي هي الاختيار من مجموعة العاب قد تعتبر قديمة نوعا ما هل هي هدايا مناسبة أو تعيسة؟ وش ممكن تقترح عليهم؟
شاركنا برأيك في التعليقات!
ولا تنسى، اذا عندك سؤال و حاب تقترح اننا نطرحه على المستمعين فتقدر ترسله لنا على info @ saudigamer .com (بدون مسافات)
نناقش في هذي الحلقة عودة شبكة البلايستيشن نتوورك، تجربتنا في لعبة LA Noire، تحديث لعبة Infinity Blade الجديد، تجربة الطور التعاوني في Portal 2، فيديو مسرّب يقال انه للعبة فيفا 12، … ومواضيع كثيره غيرها!
دليل الحلقة
وش كنت تلعب (00:08:20)، الاخبار (01:12:20)، آراء المستمعين (01:56:48)، اسئلة المستمعين (02:06:20)
تقديم مشهور الدبيان، جميل عبدالأحد، أحمد الأحمري، محمد الشريف، محمد النشار، صالح النشوان.
حبيت بس اذكر اننا اضفنا خاصية اضافة التعليقات باستخدام حسابك في الفيسبوك كخيار اضافي. بتشوف الخيارين الآن تحت بعض اذا فتحت اي موضوع. كل موضوع مبدئياً بيكون تحته 5 من تعليقات الفيسبوك (تتقسّم باقي التعليقات الى صفحات طبعاً) بالاضافه الى تعليقات الموقع.
جرّب تحط تعليق فيها ساعدنا نختبرها، ونتمنى انك تشاركنا اذا عندك اي ملاحظات او واجهت اي مشاكل فيها.
نطرح كل أسبوع سؤال في الموقع متعلّق بالعاب الكمبيوتر بشكل عام (او بالمستمعين) و نختار بعض الأجوبه بحيث نطرحها في الحلقه اللي تليها في الفقره المخصصه لها.
سؤال هذا الاسبوع هو: وش اهم عنصر في الألعاب بالنسبة لك؟ هل القصة تهمك اكثر ام الموسيقى او ممكن الجرافيكس او القيم بلاي؟
شاركنا برأيك في التعليقات!
ولا تنسى، اذا عندك سؤال و حاب تقترح اننا نطرحه على المستمعين فتقدر ترسله لنا على info @ saudigamer .com (بدون مسافات)
نناقش في هذي الحلقة آخر حلقه في مسلسل انقطاع شبكة البلايستيشن، انطباعنا الاولي عن لعبة “الركاز” تطوير شركة سيمافور السعودية (ومقابله مع المطور في نهاية الحلقه)، التغييرات في الجزء الثاني من وورهوك في لعبة ستارهوك، كيف ممكن تستفيد مايكروسوفت من شراء سكايب،… ودفعة مواضيع حلوه ثانيه.
دليل الحلقة
وش كنت تلعب (00:16:00)، انقطاع شبكة البلايستيشن (00:24:30)، الاخبار (00:38:55)، آراء المستمعين (01:43:25)، قنعور يتذكر (01:35:45)، مقابله مع ممثلي شركة سيمافور مطوّرة لعبة “الركاز” (01:57:00)
تقديم مشهور الدبيان، فيصل، أحمد الأحمري، محمد الشريف
سؤال هذا الاسبوع هو: وش توقعاتك لمعرض E3؟ وش تتوقع تكون أكبر المفاجآت الموجوده فيه؟ أو أضخم لعبه بتكون في المعرض؟..الخ
