اضافة المزيد من الجوائز لمسابقتنا الصيفية!
بعد ما بدينا المسابقة الصيفية الثانية الاربعاء اللي فات، وصلنا في خلال عدة ايام أكثر من 15 مشاركة كثير منها متعوب عليها صراحه. فتقديراً للجهود المبذولة من المشاركين في المسابقة، وافق وكيل سوني السعودية على طلبنا بزيادة الجوائز، وصراحة كانوا جدا كريمين.
الآن أصبحت جوائز المسابقة عندنا اثنين PSP Go و بطاقات PSN بقيمة 210$ (788 ريال)! فالآن بدال ما يصير فيه فائز واحد بيصير فيه 6 فائزين! (مدري ليش حسيت نفسي فيصل العيسى وانا اكتب هالسطر)
الآن توزيع الجوائز بيكون كالتالي:
جوائز الرسّامين المحترفين:
الرسّامين المحترفين أو الموهوبين بيكون لهم جوائز مستقله (عشان نعدل بين المشاركين) كالتالي:
- الجائزة الأولى: PSP Go (يجي معه 10 ألعاب كاملة حسب عرض سوني)
- الجائزة الثانية: بطاقة PSN بقيمة 100$ (375 ريال)
- الجائزة الثالثة: بطاقة PSN بقيمة 40$ (150 ريال)
اختيار الفائزين بيكون عن طريق فريق سعودي قيمر بناء على فكرة الرسمة + جمال الرسم.
جوائز الرسّامين الهواة:
الرسّامين الهواة (او اللي يمشون حالهم في الرسم) لهم جوائز مستقلة أيضاً وهي:
- الجائزة الأولى: PSP Go (يجي معه 10 ألعاب كاملة حسب عرض سوني)
- الجائزة الثانية: بطاقة PSN بقيمة 50$ (187 ريال)
- الجائزة الثالثة: بطاقة PSN بقيمة 20$ (75 ريال)
بس الفرق هنا ان اختيار الفائزين بيكون مركّز على فكرة الرسمه أكثر من جمال الرسم نفسه، مع الاخذ بالاعتبار طبعاً جمال الرسم بشكل بسيط.
ولا تنسى، المسابقة تنتهي يوم الاربعاء 14 يوليو!
اذا هذي اول مره تقرا عن المسابقة، فبامكانك قراءة تفاصليها كاملة في موضوعها الاصلي.
بالتوفيق للجميع 
مشاء الله والله جوائز جداً قيمه
والتقسيم جداً مرضي
وتحمست زياده الحين
من ناحية جودة الرسم ان شاء الله اكون قدها
بس الفكره !! مو راضيه تجيني
قيّم التعليق:
0
موفقين انشالله وانا بصراحة اشكر سوني على هذا التفاعل الايجابي.
قيّم التعليق:
0
ما ينفع تسوون مسابقة ثانية طيب؟
اعطاء فرصة اكبر لمجموعة كبيرة من المشاركين إلي ما يقدرون يدبرون شي بالرسم.
مسابقة تصوير او تصميم
ومشكورين على اي حال
قيّم التعليق:
0
@Azzam
اكيد ان شاءالله. المسابقة اللي فاتت كانت تصوير وهالمره رسم. حبينا بس ننوع شوي في المسابقات ما تصير مكرره.
قيّم التعليق:
0
حركات
مشهور
انا عندي طلب
دامها 2 بي اس بي
خل واحد لمسابقة ثانية يعني يصير فيه الرسم و مسابقة ثانية
و انا ارجح انى تكون المسابقة الثانية لعب عن طريق الاونلاين
نسوي تورنمت و ال3 الاوائل ياخذون الجوائز
لا مو كل المتسابقين يجيدون الرسم
و هذا الي يقصدة azzam
قيّم التعليق:
0
انا ارجح انها تكون لعبة فايتنق >> زي سوبر ستريت فايتر 4
قيّم التعليق:
0
مشهور فيه فكرة عندي لمسايقة و مدري ليه كنت متوقع أنكم تحطونها لـلمسابقة هذي
لكن ما صارت
صحيح أنها غريبه لكنها تحتاج جهد أكبر و أبداع أكثر
( تسوي دعاية لأي من ألعابك أو جهازك المفضل ) -زي دعاية لـPS3 ,X360
أو دعاية للعبة
طبعا تكون فيديو
سووها بعدين
الزبدة الله يعافيكم و أن شاء الله نكون حدا هذولا السته ^^
قيّم التعليق:
0
يعطيكم العافيه و ما قصرتوا صراحة
قيّم التعليق:
0
الله يعطيكم الف عافية والله شي رائع والمشاركة على الطريق
قيّم التعليق:
0
يعطيكم العافيه وبالتوفيق لجميع المشاركين
ياليت تذكرون اسماء المشاركين حتى نتأكد اذا وصلت المشاركات
او نعيد ارسالها
تحياتي لكم
قيّم التعليق:
0
انشاء الله راح احط الصوره الي راح ارسمها مره حلوه وانشاء الله تعجبكم وافوز ^^
قيّم التعليق:
0
يعني اخوي الحين راح يكون عدد الفائزين 3 على حسب توزيع الجوائز صح ولا انا غلطان
قيّم التعليق:
0
يعني اخوي الحين راح يكون عدد الفائزين 3 على حسب توزيع الجوائز ولا انا غلطان
قيّم التعليق:
0
بس عندي سؤال يامشهور لما اخلص الصوره فين احطهااو ارسلها ???
قيّم التعليق:
0
@اســ المحبة ـير.
كيف 3؟ المشاركات بتنقسم على قسمين، كل قسم فيه 3 فائزين يعني 6 فائزين.
@tamim
على بريد contest @ saudigamer.com
قيّم التعليق:
0
س\ اقدر ارسم كراش بما أنه كان من شخصيات سوني ؟
قيّم التعليق:
0
اهااا
لا تلومني يا مشهور فيوزاتي ضاربه اليوم
صاحي بدري وطالع لي كم مشوار وكان فيه عشا بالبيت وتعرف القلق
المهم وش هالقسمين الي راح تقسمونهم <<< ملقوووف ههههههه
قيّم التعليق:
0
يا مشهور جاتك الرساله خلاص انشااااء الله تعجيكم
قيّم التعليق:
0
شكرا مشهور ^___^ كده شجعتنا زياده والله!!
انا سرت شاكه انو رسمتي ما وصلت ينفع ارسلها تاني؟ >> وسوسه xD
قيّم التعليق:
0
من جدد جواز حلوه
شباب شدو حيلكم
و مبروك لكم مقدما
و أحب أشكر إدارة سعودي قيمره على هذا العمل الجميل بي توفيق
قيّم التعليق:
0
تم ارسال المشاركه مره اخرى ^^” اسفه على اللخبطه
قيّم التعليق:
0
واو! كدا حمستوني من جد! يلا خلينا نطلع الكراسة المغبرة :p
قيّم التعليق:
0
ماشاء الله تبارك الله ممتاز شغلكم والله .. الله يوفقكم في تنظيكم للمسابقة وياليتني اقدر اساعدكم في شي كان ساعدتكم.. وأتمنى من الجميع يستمتع بالمسابقة وأتمنى الأفضل يفوز ويكسب الجائزة باستحقاق
يعطيكم العافيه مرة ثانية على مجهودكم وان شاء الله نشوف هالموقع أفضل موقع عربي لألعاب وأخبار الكمبيوتر ..
قيّم التعليق:
0
@اســ المحبة ـير.
بتلقاها فوق في التوضيح للموضوع
@yomiku
وصلت X2
@yami-D
في انتظار مشاركتك
@محمد الشريف
بس وييييين مشاركتك ياخوي D:
الله يعافيك اخوي محمد ومشكور على هالمشاعر الطيبة
قيّم التعليق:
0
ما شاء الله عليكم
الله يوفقكم مع اني غاسل ايدي افوز (من زين رسمي )
يا مشهور انصحك تزود بعدين يعني في العطله الصيفيه تحط ثلاث مسابقات بدال ما تحط في الشهر الأول 6 فائزين.
يعني تحط في الأول 3 فائزين
والثاني 3 بعد
والثالث 3 بعد
وبكذا راح يجونك الناس من كل مكان
قيّم التعليق:
0
حلوه فيصل العيسى
كنت اتمنى اشارك معكم لكن هالمسابقه صعبه عليّ .
بالتوفيق للبودكاست و مبروك مقدماً للفائزين .
قيّم التعليق:
0
أخيرااااااااااُ !!
شرف احمد الاحمري !! وكتب رد !! ..
وين !! وين الغيبة !؟ كل هذا تغلي ولآ إيش
؟
تسجل الحلقة وبس !! ..
مافي زي مشهور والله الله يعطيه العافيه ! ..
كل يوم في وجهه اكثر من سؤال ! ويرد عليهم !! ..
قيّم التعليق:
0
يآلبى قلوبكم 3> .
بصرآحه بديت آتحمس زيآده للمسآبقه ، وبحآول يمين يسآر عسى يطلع معي شي بس هع .
وحآب آشكر صرآحه سوني على المكرمه الحلوه هذي .
وشكر خآص لك يآمشهور ولبآقي الأخوه الي معك ، والله آنكم مآقصرتوآ .
قيّم التعليق:
0
@عبدالله ابراهيم (king_056)
والله يا عبد الله اني اخس منك من ناحية الرسم وما اعرف غير ارسم بيت
لكن مدري كيف جاتني لحظة (( الهام )) ورسمت رسمة لكن ما في امل تفوز
انت جرب وش خسران
قيّم التعليق:
0
كان ودي اشارك بس رسمي ………
قيّم التعليق:
0
@hook
خخخخخخخخخخخ
نحاول بقدر الامكان
ومشهور قدوتنا والعين ما تعلى على الحاجب
^_^
قيّم التعليق:
0
خلص وقت المسابقة ولا؟
قيّم التعليق:
0
@PoKe
الاربعاء القادم اخر يوم لاستقبال المشاراكات
قيّم التعليق:
0
ياليت لو فيه مسابقة زي هذي بص تصميم , مثلاً أفضل تصميم للعبة أو غيره ..
قيّم التعليق:
0
الآن أصبحت جوائز المسابقة عندنا اثنين PSP Go و بطاقات PSN بقيمة 210$ (788 ريال)! فالآن بدال ما يصير فيه فائز واحد بيصير فيه 6 فائزين! (مدري ليش حسيت نفسي فيصل العيسى وانا اكتب هالسطر)
ههههههههههههههههههههههههههههههههههه
قيّم التعليق:
0
مشهور المفروض تكتب
فيه 6 فااااااااااااااااااااااااااااااائئئئئئئئئئئئئئئئئئئئززززززززززززززيييييييييييييييييييييييييييييييييييييييييييييييين
قيّم التعليق:
0
بالتوفيق للمتسابقين << مايعرف يرسم
قيّم التعليق:
0
فكرة رائعة اهنيكم عليها
قيّم التعليق:
0
مشهور النتايج يوم الاحد مع الحلقه ؟
قيّم التعليق:
0
خلصة المسابقه
قيّم التعليق:
0