آراء المستمعين: كيف نقدر نغير نظرة المجتمع تجاه العاب الكمبيوتر؟
يونيو 7th, 2010
نطرح كل أسبوع سؤال في الموقع متعلّق بالعاب الكمبيوتر بشكل عام (او بالمستمعين) و نختار بعض الأجوبه بحيث نطرحها في الحلقه اللي تليها في الفقره المخصصه لها.
سؤال هذا الاسبوع هو: كيف نقدر نغير نظرة المجتمع تجاه العاب الكمبيوتر أو نساهم بهالشي على الاقل؟
اعتقد كلنا نمر بهالتجربه بشكل دايم، نشوف الناس يعتبرون العاب الكمبيوتر “للاطفال” او انها شي مضر او مضيعه للوقت وما الى ذلك، كيف نقدر نساهم بتغيير هالنظره؟
شاركنا برأيك في التعليقات! 
ولا تنسى، اذا عندك سؤال ودك تقترح اننا نطرحه على المستمعين فتقدر ترسله لنا على info @ saudigamer .com (بدون مسافات
بيني و بينكم إذا المسأله فيها الشيبان ما في أمل !
لكن بالنسبه للاشخاص الاخرين , اتوقع في اكثر من طريقه ما قصروا الشباب في ذكرها , و بالعكس احياناً احس بالفخر اني العب لعبة توازي الملايين في مبيعات الافلام و تعطيني متعه مضاعفه اكثر من الافلام .
تمنيت يكون السؤال , كيف تقدر تجذب الناس لألعاب الفدييو جيمز ؟
لأن الكثير من الشباب معرفتهم قليله بهذه الالعاب , و يتوقعوا اخر شيء وصل له هو الـ PS2 , و ما يدروا ان الالعاب اخذت بعد اخر في التطوير .
شكراً .
فاهم عليك لكن خذها من ناحية ثانية انهم لو اهتموا بهذا المجال اكبر كانت نظرة الناس تغير كثيير عن العاب بغض النظر عن محتويات البرنامج صحيح لا تشوفها من نظرة gamer على انه العاب قديمه و من هل الحكي شوفها من نظرة شخص عادي ما يفهم\يعرف بالجيم لو اهتموا بهذا الموضوع اكثر كان الوضع مختلف تماما عن الحالي
1- تغيير مسمى لعبه (اعتق ان هذا اهو اساس المشكله)
2- وضع تصنيف عمري بالغه العربية
3- تغيير تفكير الشياب (هذي ما فيه امل)
والله انو اشوووووف في طريقة وحده واحس انها الوحيده الي بتنفع انو نجبرهم على
اللعب وانشوف مناسبه انها تكون لعيارهم البزارين ولا وعاد هوا يقرر .
ومافي طريقة ثانيه
لعيالهم* معليش كنت اكتب في ظلمه xD
الحل عندي نجيب صلاح الغيدان في إستراحة ونحجرة في زاوية ونمسط ام امه بالعقال الين ينتفخ من الجلد ونقوله بكرة تسوي حلقة تقول ان الالعاب حلوة وما هي للصغار بس للكبار والصغار وما فيها شيء ولا تسبب مشاكل ولا عداوة ومن الكلام الفاضي هذا اللي قلته
قسم بالله هالادمي خرب علي انا الان عمري 28 سنة وطول عمري العب الفيديو قيم يوم طلع بحلقتة البايخة هذيك صارت الوالدة ( الله يحفظها ) كل ماشافتني تصارخ علي وتقول صلاح يقول ميب زينه
الله يلعنه من هو صلاح ذا اللي غثنا في حياتنا
وشيابنا من النوع العنيد يعني مهما تشرح له وتحليلة اللعبه ما فيه حقت بزران حقت بزران
والمشكلة لاصرت كبير زي حالاتي اول ما يشوفك واحد يشغل الاسطوانة اللي الكل عارفها انت باقي تلعب الخرابيط هذي – ولا شفلك شغلة احسن – ولا اللي مثلك مع زوجته وعياله <=== عزوبي
والاخس ياخي اكبر
ولكن اتوقع ان الميديا لها دور فلو كان فيه احد في الجرايد يكتب موضوع بشكل مستمر عن الفيديو قيم من فوائدها وكيف انها ليست للصغار وووووو
او برنامج كبرنامج الشاب اللطيف اللي سبق ذكرة حق الاستراحة كان ياسلام
او حتى الراديو
لان الميديا تأثر في المجتمع بشكل كبير
شاكر لكم
الشهري
اجل تبون نغير رأي المجتمع تجاه العاب الكمبيوتر …. شوفو الاكتشاف الخطير اللي طلع لنا فيه هذا الكاتب … ترافيان تعلم الارهاب !!! …
http://www.alriyadh.com/2010/06/10/article533555.html
فعلا ” الانسان عدو ما يجهل “
اغسل يدك
الصراحة انا ماهمني المجتمع
واذا المجتمع ماتغير !! منيب تارك الالعاب الالكترونية لو ايش …
طبعا الي مولاحظ ان المجتمع في اتجاه التغير نحو الافضل ان شاء الله
حاليا مانقدر نغير شي
لكن اذاالله مد في اعمارنا وصرنا شيبان نقدر نعمل تغير في المجتع
مثلا اذا جى احد وقال الالعاب للاطفال تلمخه بالمشعاب اولا وتعلمه بعدها ان الالعاب لجميع الاعمار وبكذا اكيد بتتغير نظرة المجتمع للافضل ….
اكثر لعبة سلمية ترافيان كلها “فراغ” ..
بعدين كنت ابدعي عليك فيصل لكنك عزيز وغالي هونت .. جبت لي الضغط الله يهديك XD
أححح الله يستر بس..
أجل لا يشوف كود ولا بتلفيلد
الله يعين والله
والله همممممممممم
مجتنعنا راسه يابس مافي امل يتغير بس في المستقبل لا صرنا حنا شيبان نصير فاهمين بس الجيل الي قبلنا يارجل باله يحصلون قطعة خبزه تبل ريقه فاضي لامك يلعب اذا كان فيه تفزيون ذاك الوقت ههههه يكفي ان ابوي الله يرحمه شاف درايفر على وقت نزلته ويتابع ولا يدري اني انا العب يحسبه فلم ههههه….
يعني الزبده انو مع مرور السنين وموت الاجيال راح يتغير هالفكر المنحرف ههههههههههه
ايه والله جبتهآ !!
خاصة من ناحية اخوك الكبير .. والله اخوي من يوم شريت شريت Red Dead
و هو 24 سآعه على السوني طول الوقت قآعد يقنص و يروض الخيول !!
افا … انا جبت لك الضغط ؟!!! … ياخي انا مسالم مثل ترافيان ههههههه
لكن ما عليه … اذا على الضغط اشرب لك ( كاس شاهي ) اخضر … وتضبط امورك
مو لا زم نغيرها
بالطقاق اللى يطقهم
يعني أنت أرهابي ! هههههههه
@memw
ههههههههه والله اهنيك على رفع ثقافة جزء يصعب تغيير فكره من الشعب السعودي.. وينك يارجال من زمان XD
لكن لو تلاحظ الحين الوضع متفتح اكثر بكثييير من ايام اول
اول شيء الحمد لله ان نظرة المجتمع للألعاب تتحسن بشكل سريع و ممتاز
بس يخربها شيء واحد و آسف بقولها على بلاطه
(الناس اللي مو مربيه عيالها والعيال يتسببون بمشاكل )
و يجونك المتخصصين والترب(ويين
ويلقون المشكله على عاتق الvideo games
بينما هم غير منتبهين للتقييم العمر على الغلاف
وهذي وجهة نظري
نظرة الشعب بتتغير اكيد لكن من اللي يغيرها يعني فيه شباب فوق تكلموا وقالوا اننا لازم نغير ووو.. الخ لكن ما قالوا انا اسوي هالشغلة انا اعلن انا احط كل هالاشياء محد قالها
البعض قال تجارب شخصية له قام بها على اللي حوله وبعضها نجح والاخر فشل طيب ليش هذا نجح وهذا ليش فشل نشوف وشهي الاسباب
بعد ما نشوف الاسباب نبدا بالتنفيذ واول شيء نسويه انكم نكلم برنامج ما في قناة ما ويفضل الكل يتابعها والبرنامج كذلك
في النهاية اتمنى ان الناس تقتنع بنا حنا القيمر وا اخونا متابعين الانيمشين
نشاركهم اللعب
اكيد بعدها بيغيرون رايهم
نفس معاناتك بالضبط مع السيارات
… الله يعين
نخليهم يجربون gow
ونفس الشي مع Mortal Kombat
وكل شي يسير تمام