بودكاست Saudi Gamer

أول واحد ..

بالنسبة للسؤال , عمل مثلا مقالات أو مجلات , التعامل مع الناس وتعليمهم هالشي ..

أعجبك التعليق؟ +1

بوضع التقيم العمري على اللعبه بالغه العربيه اي

اللعبه لسنة 18 وفوق وهكذا وبالتالي وحيث ان

وشكرا كان معكم من جده محمد

أعجبك التعليق؟ +1

كل ما ذكرت الموضوع ذا ودي أصيح

لكن انا أشوف أن نبقى صامتين أفضل من إثارة أي ” بلبلة أو صجة ” حول هذا الموضوع

لأن نظرة المجتمع تجاه الألعاب راح تتغير حتى لو أيش

بالإستدلال إلى التغير الواضح في السنتين الماضيتين ..

يعني لو سكتنا أو تكلمنا الموضوع راح ينتبه له الكل

و المدونات و المنتديات و البودكاستات العربيه هي أول الخطوات نحو الهدف المطلوب

وهو نشر الوعي و هدف الألعاب في العالم العربي بأكمله ..

أعجبك التعليق؟ +1

والله انا من راي ان تعمل برامج تثقيفية على التلفزيون توضح مفهوم العاب الكمبيوتر
ومدى تأثيرة على المجتمع ايجاباً(سواء من ناحية اللغة ,, او تنمية التفكير من خلال التخطيط في الالعاب وحل بعض الالغاز فيها وغيرة وغيرة من الفوئد ,,,,,) …. و توضيح الفئات العمرية للاعبين في هذة البرامج التلفزيونية

أعجبك التعليق؟ +1

مستحيل نغيّر الفكرة الغبيّة هذي ! خاصة ان أصحاب هالفكرة يعتبرون أضعاف أضعاف عددنا حنا القيمرز , فـ مستحيل الأكثرية يقتنعون بكلام الأقليّة

عندي نقطتين تصير لي و أشوفها بحياتي بشكل روتيني , وقتها أتيقّن بنسبة 100% اننا ما راح نقدر نقنع أحد بأفكارنا ,,

أولا : دايما شعبنا الموقّر , يقولون الألعاب تأثّر على عقول الأطفال وهي السبب الرئيسي بخرابهم , بنفس الوقت حنا ياللي أعمارنا 18 وفوق اذا لعبنا يقولون انتم ما كبرتوا ؟ الألعاب هذي للأطفال !
يعني أبي أفهم كيف هي ما تصلح للأطفال , وماتصلح لنا !! أجل هي موجّهة لمييين ؟

ثانيا : كثيييير من الأشخاص اللي أعرفهم يقولون ألعاب الفيديو للأطفال , واذا واجهته وجها لوجه وقلت له كيف أخذ هذي الفكرة , يقول : “هذا شي معروف , كل الناس يقولون كذا ” ! شعبنا امّعة !!

ومن التخلف الزايد , اذا خالفت اهتمامات أغلبية الشعب , قالوا عليك طفل ومنت فاهم بشيء , يعني انا ثقافتي بالسيارات 0% , أي واحد يعرف هالشي فيني يقول هذي من صفات الأطفال وانك المفروض تصير فاهم هالشي !!

بعض الناس فاهمين الطفولة غلط !!!

وعلى فكرة , متابعي الأنمي يعانون نفس معاناتنا بالضبط

أعجبك التعليق؟ +1

@Abdulaziz ALrasheed
كلام جميل اخوي بس مش كل الناس تتابع هذة المدونات والبودكاستات ونحن نريد ان ان نوعي الناس التي لا تتابع هذة الاشياء بمدى فوائد العاب الكمبيوتر كما ذكرت في ردي …… مكشور اخوي ويعطيك الف عافية

أعجبك التعليق؟ +1

@HATAKI KAKASHI
يعطيك العافية على الرد الجميل —- والله عورت قلبي شوي واصيح

أعجبك التعليق؟ +1

Abdulaziz ALrasheed :
كل ما ذكرت الموضوع ذا ودي أصيح
لكن انا أشوف أن نبقى صامتين أفضل من إثارة أي ” بلبلة أو صجة ” حول هذا الموضوع
لأن نظرة المجتمع تجاه الألعاب راح تتغير حتى لو أيش
بالإستدلال إلى التغير الواضح في السنتين الماضيتين ..
يعني لو سكتنا أو تكلمنا الموضوع راح ينتبه له الكل
و المدونات و المنتديات و البودكاستات العربيه هي أول الخطوات نحو الهدف المطلوب
وهو نشر الوعي و هدف الألعاب في العالم العربي بأكمله ..

مقنع جدا و أتفق معاك..

أعتقد أنه فكرة إقامة قسم عن الجيمنج في معارض كبيرة يقصدها المهتمين مثل معرض جيتكس مفيدة جدا..

تخيلوا انه المهتمين بالتقنية (و هم كثر) راح يكتشفوا الألعاب و يبدئوا يتعرفوا عليها أكثر.. و راح تتغير نظرتهم غالبا.

- – -

فكرة ثانية إقامة مسابقات على نطاق عريض.. يمكن الكل فاكر مسابقات جريدة عكاظ عن دوري كرة القدم Winning Eleven.. و يمكن البعض كمان يفتكر الدوري اللي أقامته سوني عن لعبة Tekken 3 و GT.. للأسف كانت التغطية عن الأحداث سيئة .. لأ بصراحة معفنة و ما ترقى للمستوى المطلوب.

المطلوب دوري محترم في لعبة Uncharted 2 مثلا أو COD: MW2 .. مع دعاية قوية.. النتيجة الناس راح تتجمع و تشتهي اللعب في الجيل الخرافي اللي عايشين فيه.

أعجبك التعليق؟ +1

نقلب مجال الألعاب سوق اسهم

أعجبك التعليق؟ +1

@HATAKI KAKASHI

التفاؤل طيب mate..

بس سؤالي ليش تمشي مع الناس الوحشين اللي تقول عنهم؟

دور على ناس نفس اهتماماتك و راح تلاقي أكيد..

ترى فئتنا هي اللي راح تقود المستقبل والجيل اللي تتكلم عنه في طريقه للاندثار <<<< أمحق XD

طنش الشعب و اتبع المثل الرائع: عِشّ.. فأنت ملك

أعجبك التعليق؟ +1

هل رأي المجتمع مهم ؟!

أعجبك التعليق؟ +1

@أيمن

يجي والله يا أيمن.. حكمتك جلية في في اختيارك لصورة Peter!

أعجبك التعليق؟ +1

A7mdBan :
@HATAKI KAKASHI
التفاؤل طيب mate..
بس سؤالي ليش تمشي مع الناس الوحشين اللي تقول عنهم؟
دور على ناس نفس اهتماماتك و راح تلاقي أكيد..
ترى فئتنا هي اللي راح تقود المستقبل والجيل اللي تتكلم عنه في طريقه للاندثار <<<< أمحق XD
طنش الشعب و اتبع المثل الرائع: عِشّ.. فأنت ملك

ياخي أدري إني ملك < كيف الوثوق :d

ياخي المشكلة ان الناس " الوحشين " ذولا هم زملائي وأقاربي وحتّا أسرتي ,,

يعني مستحيل اني أتركهم أو أدوّر ناس غيرهم :s

مشكلة شعبنا , انهم يعتبرون انه من علامات الرجولة انك تترك الفيديو قيمز وتتّجه لاهتمامات غيرها :s:s !!!!!

أعجبك التعليق؟ +1

أيمن :
هل رأي المجتمع مهم ؟!

بالتأكيد كلامك صحيح 100% , كلامهم غير مهم أبدآ ,,

لكن ياخي لو تروح عند أخوياك ويشوفونك بنظرة استحقار ,,

ويشوفونك أهلك تلعب ويعتبرونك للحين طفل ,,

أقاربك اللي بأعمارك يبدون يبعدون عنّك عشان ما يتأثّرون فيك , لأنك ببساطة ” مخالف لاهتماماتهم ” ,,

وقتها تحس انك منبوذ !

أعجبك التعليق؟ +1

الحل هو انك تكتب موضوع في الجريده عن التقيم العمري للالعاب بصورة توضيحيه ومافي اسهل من كذا كل المنتديات تلاقي فيها شرح لرموز التقيم العمري

ولا تدري اقولك شئ مافي حل طول ماانت في شعب جاهل ماتقدر
اصبر الجيل الي طالع الان هو الي راح ينهي على الموضوع لانه الان نسبت اعمار القيمر بارتفاع في المنطقة العربيه كلها شويه وشويتين

أعجبك التعليق؟ +1

الحل الوحيد
انه نخليهم يلعبو بالالعاب
بعد هيك حيتغير رايهم اكيد

أعجبك التعليق؟ +1

باختصار السبب هو انه لا يوجد اهتمام في الفيدو جيمز من قبل العرب …والحل
لابد يكون هناك برامج على التلفاز تثقف المجتمع العربي وتعلمهم عن ان الالعاب ليس كلها للأطفال بل اغلبها للكبار وللأسف لايوجد برامج اعلاميه عربيه مخصصه للالعاب الفديو
وهذا ممكن يكون السبب الرئيسي في المشكله ولا انقص من قدر البودكاست سعودي قيمر فهو يساهم بالتوعيه ولكن هو اختياري يعني فقط عشاق الفيدو جيمز هم من يشاهدونه او يستطيعون الوصول له اما الناس اللي ماتفهم في هذا المجال ماتحمل الحلقه او تسمعها فلابد يكون هناك توعيه عن طريق برامج تلفزيونيه حتى يراها الهاوي للألعاب والاشخاص الجهلاء واعتقد هذا هو الحل الامثل من وجهة نظري

أعجبك التعليق؟ +1

سؤالن صعبن .. سؤالن صعبن .. سؤال يحيرني =)
لول .. لا يوجد حل .. الوقت كفيل بهذهـ المهمه .. الجيل السابق اوشك على الانقراض .. فـ ليست اكثر من مجرد وقت لـ يصبح اللي ما يلعب فيديو جيمز كـ الذي ما يشاهد افلام او حتى ما يسوق او ما يكلم بالجوال !!

أعجبك التعليق؟ +1

أفضل سكوت على كلام ما عندي شئ أضيفه
تحياتي

أعجبك التعليق؟ +1

نذبح كل الشيبان (جيل السابق)…

أعجبك التعليق؟ +1

والله أنا أوافق بعض الآراء السابقة و أزيد عليها بأن التغيير جاي لا محاله خلال العشر سنين الجايه.

ليييش ؟ لأن الجيل الأول من القيمرز (صخر و أتاري) هم حاليا الأباء والأمهات للأطفال. فبعد فتره هالأطفال بيكبرون والآباء والامهات بيظلون متفهمين..

بس شغلة تقييم الألعاب من جد مهمة لأني أعرف شباب سووا مهرجان للأطفال وحطوا قسم تعليمي للآباء والأمهات عن الريتنق.. انصدموا جدا يوم مالقوا أحد يعرف عن شي اسمه ريتنق..

آسف على الإطاله لكن في الآخر ممكن أكون مخطيء.. ابوي وامي اعمارهم فوق الستين وعادي عندهم اني العب بلاي ستشين او اشوف انيميشن.. ممكن التعليم له دور ؟

أعجبك التعليق؟ +1

هذي مشكلتهم ماهي مشكلتي..عاد يحلونها؟!

أعجبك التعليق؟ +1

استخدام وسائل الاعلام مثل الجرايد والمجلات والتلفزيون بشكل مؤثر مثل وضع صفحات مختصة بالفيديو جيمز يشرحون فيها ان الألعاب مصنفه فيه العاب للكبار وفيه للصغار مثل ماقلتها يامشهور في مقابلتك في القناة الأولى.

يعطيكم العافية على السؤال المهم

أعجبك التعليق؟ +1

نفتح صالة رياضيه ونركب وي سبورت بس!

أعجبك التعليق؟ +1

نظرتهم راح تتغيير بس إنتظروا جيلين بعد وتتغير

أعجبك التعليق؟ +1

عسى نظرة المجتمع ما تغيرت

وش همنا فيهم كل واحد و جوه

اجل اروح اتابع مسلسل لميس من الحلقة الاولى للاخيرة!!!!

المشكلة بالنسبة لي ان كل اللي حولي مالهم في الالعاب
لكن الشيء اللي يعجبني اسويه واللي مو عاجبه ما همني

وشكرا

أعجبك التعليق؟ +1

ترا ما يبي لها تفكير ابد !!

الحل الوحيد هو الزمن

يعني لو اجدادنا و ابائنا يموتون و نصير حنا كبار بالسن بيعرف العالم العربي
ان العاب الفيديو للكبار و الصغار ووو

يعني الحل هو الزمن و مستحيل تعلم شايب قريح ان الالعاب فية انواع للكبار و الصغار
بتلقون بعض الشياب راسة يابس

أعجبك التعليق؟ +1

مانبغى نظرة المجتمع !
حنا عايشين بسلاام !

أعجبك التعليق؟ +1

@yahya_240
جربت أخلي الوالد يلعب God Of war ,, طبعا لعب فيها 5 دقايق بعدين تعب من كثر مايذبح بالأعداء
وقالي : يا أنس متى تترك الخرابيط هذي وتشوف شي أصرف لك

أعجبك التعليق؟ +1

@Mranas
لول , غلطان تلعبه GOW لكن جربت ماريو راتشيت اند كلانك , ليتل بيغ بلانيت ..

أعجبك التعليق؟ +1

قآآلهآ طلال مدآح::
~” آآسكوت آرحم ولا الشكوى لـضآلم ,, أشتـكـي له منه وانشده العدآله “~

=(

أعجبك التعليق؟ +1

يغيرها الزمن ,, أنا أتوقع إذا وصلنا 2010 راح تصير عقلياتنا شوي أكبر بحكم إننا نعيش في 1950 م

أعجبك التعليق؟ +1

خلونا نتكلم في نطاق محدود وهو البيت :

أحلى شيء إنك تشاركهم هالألعاب،
جهاز الـ wii أعتبره الأفضل لها الشيء.
جب للوالدة مثلاً شريط “رقص”
وجب لأبوك شريط عن “مزرعة وفلاحة”
واخوك الكبير “قنص وعلوم رجال”

وخلهم ينطلقون في عالم الألعاب.

أعجبك التعليق؟ +1

صح كلامك abo3lian ..
بس انا اشوف لوتجيب للوالدة شريط cooking mama kabsa edition افضل D: .. << ترا من عندي كبسة اديشن لاحد يروح يدور P:
وما اقول غير انها مسألة وقت .. وتبدأ تتغير نظرتهم للالعاب ان شاء الله

أعجبك التعليق؟ +1

يا ليت تتغير نظرتهم عن الالعاب

او اننا نغير مسمى ( العاب ) الى اي اسم … !

او اننا نغير فكرة الالعاب للاطفال عن طريق وسائل الاعلام

فهي اكثر شئ الناس يتابعونه من جرايد او التلفزيون او اي شئ له فائدة

في تغيير نظرة المجتمع

بالتوفيق للجميع

وبأنتظار الحلقة الجاية …

أعجبك التعليق؟ +1

سهل
عطه جيم في كود6 وراح يدمن خخـ
++++++++++++++++++==
امزح
بس اشوفها صعبة
بس بالمقابل
في المستقبل يوم يصير عدنا اولاد
اكيد ماراح نشتري لهم حـــرامي السيارات وهو ابو 8 سنوات
وبالطبع الي بعدناراح بفهمون
اما حالنا اشوفها صعبة
خصوصا مع بعض الشيبان الي روسهم محجرة مع احترامي الشديد
طبعا 75% من الاالعاب مصنعة لمن هم فووق الـ18+ 

أعجبك التعليق؟ +1

بالنسب لي واللي حولي أرى أن الوضع مقبول ما يحتاج نغير شي ..
ويوما نصبح نحن الشيبان اللي نلعب بلايستيشن وتجي ( العاب جديدة ) راح ننظر لها على أنها العب للصغار ( البزران )

والمهم اننا نكون متفهمين لهم والعابهم ولا نكرر نفس الغلط

أعجبك التعليق؟ +1

نعطيهم بغشيش

أعجبك التعليق؟ +1

نلعب ليتل بيج بلانت بكثرة امامهم

أعجبك التعليق؟ +1

أشوف بعضكم يتكلم عن الشيبان ,,

ياخي الجيل اللي راح كيفهم عمرهم ما يفهمون ايش الألعاب , لأنها موب من ثقافتهم وشبه مستحيل تعلمه أفكار جديدة غير الأفكار اللي علموها لهم الجيل اللي قبلهم ,,

لكن المشكلة الأكبر اننا نشوف ناس صغار بالسن أو مراهقين ويقولون الألعاب للأطفال ! :s

أعجبك التعليق؟ +1

Mranas :@yahya_240جربت أخلي الوالد يلعب God Of war ,, طبعا لعب فيها 5 دقايق بعدين تعب من كثر مايذبح بالأعداءوقالي : يا أنس متى تترك الخرابيط هذي وتشوف شي أصرف لك

هههههههههههههههههههههههههههههههههههههههههه

يبفى شكله الحل الوحيد انه نستنى لغاية ما نصير احنا اكبر فئة فى المجتمع
سعيتها بيصير العالم كله من محبى الالعاب

أعجبك التعليق؟ +1

أول خطوة هي بيدالجيمرز أنفسهم, لا تحس إن هالموضوع مشكلة أساسا. ولنكن صريحين, فيه مجموعه مب بسيطه تستحي تعترف انها جيمر أو اتاكو.

مممم, مافيه الا انك تصبر علشان يتكيف المجتمع لأنه صعب تغير ثقافة جيل كامل بوقت قصير, وزي ماكانت ثقافة الشعب عن الشرق الآسيوي قبل اقل من 5 سنوات هو انهم مجرد فنس, الحين صاروا الكوريين واليابانيين آيدولز وفاشن آيكونز.
time will fix everything, so give time time

أعجبك التعليق؟ +1

المسأله مو مسألة شيبان وزمن الدليل ان في ناس من قدي او اصغر مني يعبترون الالعاب الى الان للاطفال فقط ،وانهم مستحيل يضيعون اوقاتهم الثمينه في الالعاب لكن عادي يضيعونها في الشات والمجمعات و الهوشات و الاغاني و …الخ !!! <<<<لاتعليق

أعجبك التعليق؟ +1

agent 47 :
المسأله مو مسألة شيبان وزمن الدليل ان في ناس من قدي او اصغر مني يعبترون الالعاب الى الان للاطفال فقط ،وانهم مستحيل يضيعون اوقاتهم الثمينه في الالعاب لكن عادي يضيعونها في الشات والمجمعات و الهوشات و الاغاني و …الخ !!! <<<<لاتعليق

طيب زي ما انت تشوف ان الهوشات والتجمعات والأغاني تضييع وقت, هو برضو يحس إن الجيمز تضييع وقت !!
وكل الاثنين style of living
مافيه اختيار صح ولا غلط, وإذا تبي الغير يحترم اهتماماك لازم قبل تحترم اهتماماته هو.

أعجبك التعليق؟ +1

في اكثر من طريقة علشان نغير هذا التفكير مثل…
في الاول لازم يكون في اعلانات نشوفها سواء بالتلفاز او بالسينيما عن العاب معينه مثل ما احنا بنشوف بالغرب او حتى عندنا لما نلاقي قناة مثل MBC تعرض اعلانات عن افلام
بعدها تكبر هذه العملية لنصير نشوف الاعلانات بالشوارع “مثل بعض افلام بتسوي عنا بالكويت” هذا شئ
الشئ الثاني انه زمان كان في برامج ايام Ps1 كانت مخصص للالعاب و كانت تعرض على ما اتذكر في MBC كانت بس مخصصه للالعاب هذا الشئ المفروض انه نشوفه بشكل اكبر مثل هذه البرامج او مثل ما نلاقي بالدول الثانيه تسوي قنوات خاصه بس لهذا الشئ
انه لجنة الرقابه المفروض بدل ما انها تيجي و تمنع العاب انهم يهتمون اكثر بالتقييم العمري و يحاولوا بابسط الطرق انهم يوصلوا هذه الاشياء للناس يعني مثلاً على الاقل يحطون بوستارات على محلات العاب “ابسط حركة ممكنه” تكون مخصصه لتصنيف العمري و شرح تبعها “هذا ابسط شئ ممكن انهم يسونها” علشان الناس تعرف انه في العاب للبالغين و للاطفال و مثل هذه الاشياء
و بالاخير لازم يكون في معارض للالعاب اكثر “يعني المفروض مو بس تقتصر على دولتين عربة انه يكون في معارض للالاعب” المفروض يعرضوها بشكل اوسع بكثير من الي بنشوفه و الاعلام نفسه لازم يهتم بهذه المعارض مثل ما بنشوفه يهتم بمعارض ثانية

وبس ^.^

أعجبك التعليق؟ +1

ayman osama :
في اكثر من طريقة علشان نغير هذا التفكير مثل…
في الاول لازم يكون في اعلانات نشوفها سواء بالتلفاز او بالسينيما عن العاب معينه مثل ما احنا بنشوف بالغرب او حتى عندنا لما نلاقي قناة مثل MBC تعرض اعلانات عن افلام
بعدها تكبر هذه العملية لنصير نشوف الاعلانات بالشوارع “مثل بعض افلام بتسوي عنا بالكويت” هذا شئ
الشئ الثاني انه زمان كان في برامج ايام Ps1 كانت مخصص للالعاب و كانت تعرض على ما اتذكر في MBC كانت بس مخصصه للالعاب هذا الشئ المفروض انه نشوفه بشكل اكبر مثل هذه البرامج او مثل ما نلاقي بالدول الثانيه تسوي قنوات خاصه بس لهذا الشئ
انه لجنة الرقابه المفروض بدل ما انها تيجي و تمنع العاب انهم يهتمون اكثر بالتقييم العمري و يحاولوا بابسط الطرق انهم يوصلوا هذه الاشياء للناس يعني مثلاً على الاقل يحطون بوستارات على محلات العاب “ابسط حركة ممكنه” تكون مخصصه لتصنيف العمري و شرح تبعها “هذا ابسط شئ ممكن انهم يسونها” علشان الناس تعرف انه في العاب للبالغين و للاطفال و مثل هذه الاشياء
و بالاخير لازم يكون في معارض للالعاب اكثر “يعني المفروض مو بس تقتصر على دولتين عربة انه يكون في معارض للالاعب” المفروض يعرضوها بشكل اوسع بكثير من الي بنشوفه و الاعلام نفسه لازم يهتم بهذه المعارض مثل ما بنشوفه يهتم بمعارض ثانية
وبس ^.^

كلامك رائع وعين الصواب ..

أعجبك التعليق؟ +1

@ayman osama

قصدك برنامج Big Byte اللي كانت تقدمه رزان مغربي..

باختصار.. تافه, ممل, غبي, الأخبار قديمة جدا.. إذا كانوا راح يعملوا البرنامج مرة ثانية أو برنامج مماثل لكن بنفس النكهة.. فراح أبطل Gaming (&)

أعجبك التعليق؟ +1

شباب جبتوها على الجرح
اول ما اكتشف روميتي (زميلي في الغرفة ) ايام الكلية اني قيمر وحق انميشن
جمع اخوياه وسوو لي intervention >> الي هو مناصحة اني اترك حركات البزاريين
انا ضحكت عليهم وسئلتهم انتو كيف تقضون وقتكم
الاول قال اروح القهوة بعد الدوام و الثاني قال اروح افرفر في السيارة
قلت لهم ما مليتو قال الثاني مليت من الفرفرة
طبعا النظرة ما تغيرت
الفكرة بعد فتره جاني روميتي مصدوم
قال لي تخيل اكتشفت انى ادفر الطلاب الي في دوفعتي كلهم حقين انميشن و قيمر
ضحكت وقلت له طيب وش الجديد
قال ما عاد فيه رجاجيل >> انا انسدحت من الضحك على عقليته
اتخذت قرار اني اخليه يلعب بس ما بغيت اطيحة في القيمز عشان ما يغثني >> حركة ان يور فيس
الفكرة خليته يلعب dead to right 2
تخيلو ادمن على اللعبة >> مع اني ما احب اللعبة لان اسلوبها اركيد
بس هو دخلت مزاجة لانها لعبة اركيد وبسيطة وعلى قدة
مو معقدة ويبله وقت عشان يفهمها
وجبت الوي معي للغرفة وجمعت الشباب وخليتهم يلعبون
الفكرة هم فلوها و غصبا عنهم تغيرت الفكرة
و واحد من الشباب شرا له بلايستيشن

وعشان اتاكد من تجربتي اخذت واحد من الي معي في الشغل
طعس من طعوس الرياض و قلت له وش تعرف عن القيمز
قال لي البلايستشين؟ قلت له ايه
قال لي بس كورة
قلت له طيب بجيب لك لعبة وابيك تجربها
قال لي ما لي في الالعاب
قلت له جرب
عطيته قاد اوف وار حق البي اس بي
جربها وقال لي ما تصلح لي اللعبة بايخة ؟؟
قلت له بجيب لك لعبة واكيد بتعجبك
جبت له dead to right حقت البي اس بي >> ما فكرت العبها اصلا لانها خايسة
بس قلت شكل الرجال مشفر بنفس شفرة الي قبلة
عطيته البي اس بي وجربها
تخيلو الرجال ادمن
صار اول ما يقابني يقول لي وين البي اس بي

اما باقي الي في الدوام ماريو الي على الدي اس كانت كفاية
رجعتهم ايام قبل وبعدها استوعبو اني العب وصارو عادي لما يشوفوني العب في وقت البريك

المسئالة هي انك تعرف كيف تخل فكرة الالعاب عليهم

اصلا الشعب متقبل الفكرة لان ثلثي الشعب يلعب كورة

أعجبك التعليق؟ +1

مشهور خل عنك الخرابيط هذي وشف لك شيء ينفعك..
انا العب ما اقول لا..بس في حالة اني في الشقه وما لي نفس اطلع برا لاي سبب: مطر, حر,وقت غلط مب حق طلعة..بس والله اطفش على طول ما اقدر اللعب إلا اذا كانت اونلاين وتفاعل مع بشر وحماس زي halo 3 العبها الغيم 10 دقائق بالكثير..ويخلص..عندي ماس إيفيكت 2 ما كملتها رغم اني اموت في الجزء الاول وانهيته وهو من الالعاب القليلة اللي انهيتها…بس لانه كنت في الرياض..اما هنا صراحة الواحد ما عنده وقت للخرابيط هذي إذا فهمت قصدي!

أعجبك التعليق؟ +1

نخليهم يجربون GOD OF WAR وشف التغير الي راح يصير

أعجبك التعليق؟ +1