آراء المستمعين: عندك هوايات ثانيه غير العاب الكمبيوتر؟
فبراير 15th, 2010
نطرح كل أسبوع سؤال في الموقع متعلّق بالعاب الكمبيوتر بشكل عام (او بالمستمعين) و نختار أفضل الأجوبه بحيث نطرحها في الحلقه اللي تليها في الفقره المخصصه لها.
سؤال هذا الاسبوع هو: عندك هوايات ثانيه غير العاب الكمبيوتر؟ اذا ايه، وش هي؟
قلنا نغيّر شوي هالاسبوع ونسأل سؤال يخلينا نتعرف على بعض أكثر.
شاركنا باجابتك في التعليقات. 
هواياتي الرسم لكن ما طورت نفسي للأسف و مازال مستواي مثل ماهو لكن كل ما أكون متضايق أرسم أو أصمم أجهزة و بالنهاية يكون مصيرها سلة المهملات
انا اكيد عندي الهواية الرءيسية هي الفيديو جيمز سواء كانت عالبلايستيشن او الاكس بوكس او حتى الاجهزة المحمولة يمكن يعني غير الفيديو جيمز احب ال photoshopping مرة
هوايتي الرئيسيه هي الفيديو جميز ولكن عندي هوايات ثانية مثل الشخبطة على الجدران و جمع صور البنات
هوايتي الرسم … وكل ما اقعد العب أو حتى اشوف لعبة في موقع أو في محل ازداد تشوق للرسم … وطبعاً اللعبة اللي بتخليني ارفع القلم وأبدأ أرسم هي لعبتي المفضلة the legend of Zelda
وإذا حابين تشوفوا رسوماتي زوروا صفحتي على deviantart.com 
والله حالياً ماسكة معي اقرا كتب, لي أكثر من سنه وانا اقرا كتب في الدوام غالباً.. اليومين هذي طايح في كتب مرة سياسية ومرة دواوين شعر الله يستر وش نهايتها هع
وأيام الجامعة كنت هاوي عزف جيتار ووصلت لمستوى لا بأس فيه لكن انتهى المشوار بشكل مأساوي جداً =(
@محمد الشريف
يخوي شوقتني لمعرفة نهاية القيتار المأساوية D: مأدري نهاية هيئة و لا دورية
هوايتي الثانية هي تصميم ثري دي على البرنامج مفتوح المصدر Blender.. لحد الحين قرأت 3 كتب عن هذا البرنامج وانا مسوي تصاميم بسيطة وﻻ زلت اتدرب..
جمع الطوابع .. المراسلة .. التزلج على الجليد …
بنسبه لي هوايتي الرئسيه الفيديو جميز
و ثاني هوايه طبعنا أنا راعي تجريب كل شئ في كمبيوتر
مستخدم أنظمة Linux و Mac OS لكن بين تجريب أفضل ماك مع
أني فهمي بسيط لهم لكن أفضل من شئ على الأفل جربنا شئ غير Windows
طبعنا هوايه رقم 3 مشاهدة مسلسلات الاجنبيه أنصحكم
بي مسلسل LOST S6 و 24S8 روعه
مشكورين و بي توفيق و إلى الامام دوم
السلام عليكم ورحمه الله وبركاته
اول شي احب اشكركم على ماتقدمونه من اخبار واراء عن الألعاب
بالنسبة للسؤال الهوايات هوايتي شي واحد اني اكون مثقف بمعنى اني اجمع اهم الامور في راسي
ماابي ينظر لي على اني فقط شخص يلعب بلاستيشن ويطالع اخبارها وكل همه بلاستيشن
احب انوع احب اجمع خير الدنيا والاخره
يعني ان قعدت مع كل الناس اجد نفسي اني قادر احاورهم وانقاشهم
لعل ان كلامي غريب شوي وقد لا ينظر اليه على انه له علاقة بالسؤال لكن هو له علاقه
الهدف من كلامي اني اتمنى من الشباب الي كل همه سوني انتبه لاتعكس نظرة خاطئة عن نفسك
وتخلي الناس تنظر للسوني على انها مضيعة للوقت في الحقيقة تقدر تخليها مصدر للترفيه مهو ادمان
بالمختصر المفيد هوايتي اني اعكس عن نفسي الشي الطيب يعني ان بغيتني في السوني تلقاني
وان بغيتني في الدراسة باذن الله تلقاني وان بغيتني في علوم الرجال باذن الله تلقاني
يعني لايكون كل الي في راسي سوني وبس او متابعة افلام الخ يعني التنويع زين
بكذا تحبب الناس فيك وتخليها تحترمك ولا تنظر لك على انك مدمن افلام او مدمن العاب او مدمن كل شي يعتبر للترفيه فقط
كل الشكر على السؤال لعل اني طلعت عن صلب السؤال لكن شي بقلبي وحبيت اقوله
اكرر شكري على الحلقة الطيبة للحين ماسمعتها لكن متأكدة بتكون طيبة مثل القايمين عليها
في امان الله
بنسبة للهوايات منذ الصغر كنت اغث اهلي عشان يودوني للملاهي الالكترونية
عشان العب الالعاب الالكترونية ……….
وعندي هواية اخرى هي السباحة وبصراحة كان المدرب الذي يدربني يقول تستطيع
ان تلعب للمنتخب بس تعرف ان الدراسة بعض الاحيان تعيقك عن تحقيق طموحك ^_^
هوايتي التزلج على الرمال المتجمدة لكن للاسف الاعلام ما خدمنا وسلط الضوء على هالهواية فاتجهنا لممارسة هالهوايه بلعبة سكيت وتوني هوك
هوايتي غير التكنولوجيا
1: الأستهبال على الأهل (استعبط عليهم )
2: اشوف مسرحيات
3: … اسوي اي شي
@lyokosniper
نسيت هواية هي
اشوف فيديوات علا youtube
و ادش و اشوف جديد الألكترونيات
هوايتي هي الرسم والتصميم الثلاثي الابعاد على الرنامج 3ds max لاكن يستهويني الرسم اكثر واغلبية الرسوم الي ارسمها تكون مستوحى من الالعاب.
كورة القدم مع اني ماني محترف فيها بس اعشقها عشق الجنون ::!!
ولازم ياشباب تغير جوو لازم تكون اجتماعي زور الاقارب زور اصدقائك ..!!
يعني انا مالعب باليوم الا ساعه 1 وحده ..!!
والسباحه بعد شوي
وآخر شيء سماع اغاني ابو نايف لبى قلبه
واشكركم
الهوايات أفضل هوايه لعبة الكره قبل السمنه
لكن بعد السمنه 24 ساعه عندى tv والنوم
ويعطيك العافيه على البودكاست
1- تصميم عبر الفوتوشوب و الافتر افكت
2- التصوير الفوتوغرافي و الفيديو
3- الاستماع الى بودكاسترس اكيد انتم اولهم خخخ
4- السباحة
5- معرفة آخر اخبار التقنية
6- تطوير المواقع وتصميمها
7- متابعه آخر الفلام والانمي والمسلسلات
8- تجميع قطع الحاسب
بس هذا الي انا اتذكرها
التصوير احبه بشكل غير طبيعي
الجيتار وقاعد اتعلم عليه
كرة القدم طبعا
القراءة خصوصا الروايات والقصص
لعب كرة القدم
مشاهدة الافلام و المسلسلات الاجنبية والانمي ( ما أعتقد هذه هواية
البلياردو
الاستماع للبودكاست من جوالي طبعا منوع مش بس أنتم ههههه
استخدام الكمبيوتر في تصماميم وانتاج فيديو وتصفح ….
الخط العربي ولكن بشكل خفيف
التصوير وهذا رابط رحلتي لأندونيسيا
http://forum.kooora.com/f.aspx?t=18740666
هههههههههههههه يوم سمعت مشهور بأخر البودكاست يقول مافي اسئله .. عرفت ان سؤال جميل ماجازله … هههههه بس كفو ياجميل … بداية الانقلاب عشان تاخذ البودكآست تفرض رأيك وتكون حزبك الشيوعي <~ ناوي ياخذ زيارة مدرسيه للسجن ..
عمومآ بالنسبه للسؤال ..
والله هواياتي الكمبيوتر بشكل عام يعني احب اصلح الاشياء الخربانه فيه وكذا .. والفوتوشوب بشكل خاص ..:) , وأتوقع مافي احد مثلي يتابع افلام او مسلسلات ..
والكوره .. واحب اتمشى بالشانزلزيه .. واتغدا بسان فرانسسكو … مطبخ مندي هناك ابوي يمدحه اعزمكم عليه ان شاء الله .. بس يقولون الغنم هناك ماشش ..
<~ نرجع للجد
وهوايتي اخذ الطريق الصعب عند التحدي .. يعني اوعى اي شي في الحياة يتحدآني .. وهوايتي بعد الدراسه بس أحب أتحدآ نفسي واجيب اعلي معدل اقدر عليه ..
وأتمنى أتمنى أتعرف على Hacker لأني متأكد تمآمآ أني استطيع أبدع في ذا المجآل
وبسسسسسسسسسسسس ^_^
هواياتي :
1- النوم.
2- تمارين الصباح.(مع النشيد الوطني)
3- كمال اجسام.
4- تلطيم عيال خلق الله (هم اللي يبدون).
تحذير:: مشهوووور لاتغلط على BC2 والا بأضمك للهوايه الرابعه >___<
حلقة موفقه
اممممم بالنسبه لهواياتي …. احس لمّا اقول كلمة هوايه كآني ببدا موضوع تعبيير هههههههه
القراءه وبشكل يروع شوي هههههههه
وعندي قيتار من فتره لفتره اتسلى عليه …
واحب كرة السله ..
اخاف تقولون عني عربجيه ههههههههههههههه
بس ترى احب الـ Makeup + shopping طبعا بما اني بنت:D <<< احلفي ههههههه
ايه صح ولا ننسى النوم << النوم مو هوايه ترى :p واجب انساني
يعطيكم العافيه
هواياتي بالاضافه للعب ؟؟؟
مممم … لقيتها
اني اسمع لتهزيئ ابوي لي وانا ساكت ومبتسم …
هوايتي الاساسية الكمبيوتر احاول اكسر برامج وافك تشفير وابحث عن اي ضعف او خطا في البرامج والحين بديت اتعلم عن التعمية وفن الاخفاء والي شد اهتمامي لعلم التعمية مخطوطة فوينيتش
الصراحة أنا من عشاق القراءة من زماااان من أيام مجلة ماجد وغيرها ^_^
لكن من إشتريت ps3 قبل سنتين خف معدل القراءة عندي كثيير لدرجة إني ما أقرأ إلا
بالمدرسة أخاف أقرأ قدامه … بس
إيه صحيح من هواياتي لعب البلوت مع الشباب وكل مرة نلعب لازم نضارب ونشتّم في
بعض ولا نكلم بعض بعدين نرجع حبايب ونلعب مرة ثانية…..
انا مو من النوع اللي يصقل الهوايات أو يهتم بها اصلا
لكن بما انها أمور احب اعملها واعطيها فيس
راح أقولها ..
1- فتح الأجهزه والجوالات [ افككها ] أحب اشووف الدارات الألكترونيه اللي داخلها وكيف ركبوها ووين تتركب الاسلاك ..
2- الرياضه ما أتابعها بس أمارسها مثل [ كرة القدم - السله - التنس ] وابشركم ماحب السباحه
..
3- من هواياتي الفزعه >> طبعا موب في الهوشات
اقصد بالفزعه يعني اساعد اي حد يبي مساعده حتى لو يبي ينتقل من غرفه لغرفه اساعده <<< قويه ..
4- المقااااالب مع اللي مايزعلون منها بس ..
وبدووووون مجامله أحرص دايما على الاستمااااع لحلقات البودكاست حتى اني مسنتره في تويتر استنااااااكم تعلنون عن نزول الحلقه <<< إدمان
ويعطيكم العافيه
من هواياتي طبع غير الفيديو قيم
لازم في الاسبوع اشوف اربعة افلام ويكون هذا الكلام يوم الاربعاء فلمين والخميس فلمين واسميها موفي داي
ويمكن عندي هوايه غريبه شوي امسك خط القصيم بين فتره وفتره وامشي الين اعدي 100 كيلو بعدين اديور ارجع للرياض يصرر المجموع 200 وخلال هذا الوقت ما اشغل المسجل ولا الراديو وحط الجوال علي الصامت اصفي ذهني
1- السباحه
2- الطائرة
3- كمال الأجسام
4- الصيد ( بحري )
-5 الجري
-6,7,8,9,10 – النوم
انا مهتم يالتقنيه بشكل عآم وآهمهآ الفيديو جيمز
وايضا احب اعزف جيتار —> موهب عوود :p
طبعآ حآولت آتعلم وحتى الآن آحآول لكن حـآلتي يرثىآ لهآ ..
آيضآ مشآهده الآنميشن خآصه الياباني وشو
@محمد الشريف
مآسآوي .. ههههههههههه
جمس الهيئه ؟! ولآ آيش ؟؟!
^^^^^^^^^^^^^^^^^
الله من الفضاوه الي فيك يا سامي ..خخخخخخخخخخخخخخخ
أنا بالنسبه لي .. لي هوايات موجوده عند كل البشر. مثل السباحه و كرة القدم و التنس
لكن أنا أحب أشتغل على الكمبيوتر أغلب و قتي .. مثلا في الحلقه الخاصه حقت التصميم
أنتم طرحتوا برنامجين اللي هي UDK و Torque Game Builder أنا حملتها كلها وحملت برنامج غيرها
أسمه ” Game maker8 ” الصراحه ذا البرنامج سهل جدا و أن شاء الله راح أطرح لكم نتاج أعمالي عند الإنتهاء
و أحيانا أدخل على برنامج 3d max و Blender , ذولي برامج حلوه أحب أخربش فيهم
ومشكورين على حلقتكم السابقة
Sylar..
@Abdulaziz ALrasheed
ترا مو دايم من وقت لي وقت مو يوميا
جمع الطوابع وركوب الخيل وقضاء أوقات سعيدة مع الأهل والأصدقاء << نصاب…. P:
خخخ امزح، يمكن أكثر هواية أهتم فيها بعد الجيمنج هي مشاهدة ال sitcoms
عموما لو تلاحظون، الجيمرز (ولما اقول الجيمرز، اقصد المهووسين بالجيمنج مو الكاجوالز) اهتماماتهم متشابهة .. انمي / افلام / مسلسلات / رياضة / سيارات … نادر ما يطلعون من هذي
هلابكم
هوايتي الأساسية
مصمم والحمد لله متوظف مصمم
الهوايات الفرعية
تصوير. جيمر. بر وصيد .شريطي ((لاتسألوني وشلون أجتمعت)) s:
شوف يا طويل العمر …
طبعاً هوايتي المفضلة بعد الفيديو جيمز و متابعة الأخبار … ألعب في خشمي !! 0_o
… امزح … أنا احب اتابع حاجة اسمها مصارعة ومصارعي المفضل هو
الأسطورة “Bret -Hit Man- Hart” بطل العالم للوزن الثقيل 5 مرات في الـ WWF
و مرتين في الـ WCW والصراحة أحلى أوقات المصارعة على أيامه كان الـshow فيها
قليل مو مثل الحين كلها show
وسلامتكم D:
وهذه صورته للي مايعرفه
http://sportsmedia.ign.com/sports/image/article/667/667878/bret-hart-the-hitman-returns-20051117030413295-000.jpg
والله انا قبل لا اشتري الاكس بوكس 360
1-كنت خطير في لعب الكوره بعد كنت ناوي السجل في كلية التقنيه في الرياض
والله انا قبل لا اشتري الاكس بوكس 360
1-كنت خطير في لعب الكوره بعد كنت ناوي السجل في كلية التقنيه في الرياض عشان ااالسجل في نادي الهلال لني ابي اصير ابن من ابنا النادي ما ابي يسجل في تاريخي اني لعب ليغير الهلال بس للأسف ابوي من النوع الي يخاف زياده عن الزوم يخاف اني اذا رحت هناك بدشر و اصير مخد او مدخن بس هلحين نزل مستواي و خفت لياقتي بسبب الاكس بوكس
2-من النوع الي يحب يشوف افلام ارعب و الخيال و الاكشن و الانيميشن و المفمرات من التلفزيون محب الي من النت يقول dvd reb فينهايه يصير التصوير مو واضح و اتمنا اني احصل مسلسل برسن بريك جميع الاجزاء و الشتريه لاني ماشوف الا حلقات متقاطعه بسبب الصلاة و حضور ابوي
بس انقطعت بسبب الاكس بوكس و نا حالين احول انظم وقتي بين الافلام و الكوره و الاكس بوكس
جمرتاج yao055
2-كنت من النوع الي
الصدق مع زحمة هالدنيا الواحد نسى شيء اسمه ” هواية ”
لكن الظاهر إن مانسيت : إنها شيء تتميز فيه أنت وتنبسط لما تسويه
هوايتي الرسم والأشغال الفنية وهنا بعض النماذج :
http://abo3lian.deviantart.com/gallery
عندي شيء ثاني بس ماأدري إذا هو هواية وإلا كلام فاضي xD
على إني شايب قريح وأكبر أخواني إلا إني مدمن على أفلام الكرتون [ أنمي ] ومجلات القصص المصورة [ مانجا ]
وبس !
ننتظر حلقتكم الجاية من البود كاست .. والله يعطيكم كل عافية ..
من هوايتي <<< بس لا تضحكون علي
1 – النقد اي شي انا عند فيه خلفيه لا زم النقده مثل القيمز و الافلام والروايات والنوادي الكوره
2- كتابة قصص ورايات البوسيه والمستقبل البعيد انا ما اطلع على الروايات المكتوبه
لكن اتابع الافلام و الالعاب الي قصصه قويه واقتبس منها شوي ومن خيالي الواسع
حالين ماعرضت قصصي للمواقع او اي احد عدا اصحابي لان اشوف نفسي مو بذاك الزود وتواجهني صعوبات في انهاء القصص لانها اصعب شي على الكاتب ولا كفكره هذي سهله بس المشكله في الحبكه
وفيه لعبه انتظره واحس انها بتغير موارزن الكتابه عندي وهي هيفي رين .
وفي الاخير انا عندي هوابات كثيره بس هذي الي احس انه تستاهل ان اعرضه عندكم وشكراً
خطاء مطبعي : البوسيه = البوليسيه
@أبو عليان
أنت أبو عليان ماغير :d
1-كرة القدم
2-التلفاز
3- السفر
@meshal al-mazyad
؟
ليه فيه واحد ثاني
@أبو عليان
ماشالله عليك..والله رسمك إبداع : )..
أنا هواياتي بالترتيب:
1.الرسم الجرافيتي..
2.أحب أقرأ عن الأساطير القديمة..وفي كثير ألعاب ما جذبني ليها غير قصصها..
3.الكومبيوتر..
4.دا شي أتوقع اني اول واحد كتبو في الردود..وهوا اني تقريبا كل يومين أقفل على نفسي باب الغرفة وأقعد أقرأ قرآن بسوط ماهو عالي ولا واطي..نص نص،وأحب أقرأ بالذات سورة الفرقان والإسراء والعلق..
تحياتي..Phoenix
آسفين بس والله غلطت لمن كتبت القرآن آآخر شي..دا حطوه أوووووول شي XD
مشهور لاقي حل للتعديل الله يخليك =(
تسلم هذا من ذوقك ..
الله يعافيك ويستر عليك
هذه أول مشاركة لي هنا yaay
..
…
..
هواياتي جمع الطوابع و التزلج على الجليد و ركوب الخيل
لا صدق هوايتي لعب الحديد و مشاهدة الأفلام و قراءة الروايات و الكوميكس وحط خطين تحت الكوميكس
من جد وشلون أجتمعت ههههه تصوير وألعاب .. تركب لحال
بر وصيد و شريطي خخخخخخخ ما تركب .. لكن الله يوفقك ..
.. صراحه تذركني بواحد من الناس ..هههههه