بودكاست سعودي قيمر يكمل عامه الأول
في هذا اليوم 9 يناير 2010 نكمل سنه من بداية بودكاست Saudi Gamer، سنه مرت والى الآن احس اننا توّنا نبدا.
فكرة البودكاست في البدايه جت من جميل في سنة 2008، كنا كمستمعين للبودكاست الاجنبيه نبي نسوي شي بالعربي عشان نغطي النقص الشديد في البودكاست العربي عموما و في بودكاست الالعاب خصوصا، وكنا متفقين نسويها تحت مظلة موقع ثاني، لكن ادارة هذاك الموقع ما ناسبته اول حلقه سويناها واضطرينا نلغي الموضوع بالكامل لاختلاف التوجّه و الاسلوب بيننا وبين ادارة الموقع.
بعدها بكم شهر اتفقت مع جميل نرجع للفكره في موقع مستقل وكلمت فيصل ينضم معنا (تشوف بالصورة شخاميطي يوم كنت احاول اجيب فكرة الشعار)، وبدينا الموضوع بحلقه تجريبيه نشرناها عن طريق قسم البلايستيشن 3 في منتدى البوابة الرقمية، و الحمدلله لاقت استحسان مع انه كان فيه كثير من الملاحظات خاصة على الاسلوب العفوي (الظاهر ما تعودوا عليه) و مدة الحلقات اللي اعتبروها طويله، وحتى انقال لنا كثير ان البودكاست مصيره الفشل بسبب طول مدة الحلقات.
لكن الحمدلله بالعمل الجماعي وبدعم وملاحظات واقتراحات المستمعين (بعد توفيق الله طبعا) قدرنا نسوي اكثر من اللي كنا متوقعينه. وهذي بعض الاحصائيات اللي توضّح النمو بالموقع والبودكاست بمقارنة يناير 2009 بشهر ديسمبر 2009:
- عدد الزيارات المميزة (او الغير متكرره) كان 1260 شهرياً، و في نهاية السنة صار (كمتوسّط) أكثر من 4000 زيارة.
- متوسّط عدد التعليقات على كل حلقة كان ببداية السنة تقريبا 15-20 تعليق، الآن يوصل الى 50 تعليق كمتوسّط.
- متوسّط عدد الاستماعات للحلقات كان في البداية من 300-400 استماع كل اسبوع، الآن أكثر من 1300 استماع للحلقة
ممكن البعض يقول العدد متواضع، لكن بالنسبة لفكره جديده نسبياً (بودكاست) العدد ممتاز الحمدلله، وخاصة اننا ما سوينا اي نوع من أنواع الدعاية للموقع.
لكن طبعاً كان خلال السنه في مواقع بارزه ما قصّرت في دعمها لنا بسماحها اننا نكتب عن الحلقات هناك، وهي تستحق كل الشكر صراحه وهي:
- منتدى البلايستيشن 3 في منتدى ADSLgate التقني (من مشرفين واعضاء)
- موقع NG4A الإخباري (من ادارة و محررين)
- موقع عالم التقنية الإخباري (من ادارة الموقع)
وأكيد بجهود الشباب (جميل اللي أسس الموقع معي وطوّر البودكاست بشكل كبير، وفيصل اللي ساعد كثير بافكاره ومبادراته)، وما ننسى ملاحظات واقتراحات المستمعين اللي ناخذها بعين الاعتبار دايم، وساعدت في تطوير البودكاست والموقع بشكل عام.
الحين نتكلم عن مستقبل سعودي قيمر…
هل بنسوي نفس اللي سويناه السنه الماضيه في هذي السنه؟ أشك بهالشي. عندنا أفكار كثيره جديدة وحلوه نبي نطبقها في الموقع وفي البودكاست، بالاضافة الى تطوير جودة البودكاست ككل، وان شاءالله انها بتعجبك كمستمع وزائر للموقع.
اذا كان عندك اي شي تبي تشاركنا فيه، او حاب تسأل عن البودكاست او فريق العمل بشكل عام، فلا تتردد بكتابته في التعليقات! 
مبروكين شباب. وعقبال المئة سنة.
ناوين تجيبون رابع يكمل الحلقة الناقصة (نقاش ألعاب ننتندو والآر بي جيز) ولا لا؟ ولو اني عارف انه ما يحتاج, لأن جمهور سعودي جيمر ما يهتم بهالاشياء لول.
كل عام وانت بالف خير
مبروك , عندي أراء تطويريه للموقع بمناسبة نجاح على مدار عام
1) تغيير ثيم الموقع (نوع من التغيير)
2) وضع إعلانات جووجل , مشالله قاعد تبذلون وقت و جهد كهواية
لو حطيتوا الإعلانات راح تعطيكم دافع أكبر للإستمرار (هواية+فلوس)
مبروووووك على مرور هالعام .. البودكاست تابعت أول حلقتين منه بس مالقيت وقت مناسب عشان أسمعه فكنت أسمعه متقطع .. بعد فترة صرت أنقل الحلقات للـ psp وأسمعهم .. وصراحة صارت فكرة رهيبة وهي اللي خلتني أستمر أسمع ..
مبروك عليكم ..
يعطيكم العافيه على جهودكم في البودكاست
بقترح عليكم ان يكون البودكاست في هذي السنه يكون مو في الاسبوع وتخلونها ساعه تتعبون نفسكم وانا بالذات اذا شفت الحلقه تطول ازهق ووقتها طويل
ياليت ابتدا من السنه ذي ان تقسمون الحلقات على 3 ايام وكل بودكاست 20 دقيقه او على يومين نهايه الاسبوع كل بودكاست 30 دقيقه
وان تطورو في الموقع وتحطون اقسام مثل 1:قسم صور الالعاب 2009 ان يكون (متجدد).
2:قسم فيديوا الالعاب الحديثه (متجدد).
أنا من المستمعين الي كنت بقول لنفسي ..
متى راح يوقف الموقع مو بسبب إنه راح يملون منه الناس أو غير كذا لا والله ..
أنا أنتظر الحلقه على أحر من جمر كل أسبوع لكن مصير الواحد يتزوج ويصير عنده عيال وغير والوظيفه فهذه تاخذ من الوقت كثير والدليل أنا تزوجت وصار عندي ولد وبنت وقلّ لعبي على الـ PS3 بشكل ملحوظ ..
وأنا ما جذبني لمتابعة البودكاست إلا سعة الصدر والسواليف إلي تصير بينكم ..
ما أقول إلا إستمروا والله يعينكم ونحن معكم قلباً وقالباً ..
مبروك عليكم وعقبل مليون سنه ان شاء الله
الف مبروك
واصلو واصلو ويارب ماتوقفوا
متابعكم من الحلقة 9
بالتوفيق
الموقع يعتبر فخر لنا نحن العرب ، وإضافة رائعة لمحتوانا العربي ، وخروج عن نمط المنتديات …
الله يوفقكم .. عقبال ما نشوفها قناة تلفزيونية ..
أحسنتم !
يا هلا يا مشهور
-
بصراحة عام من الإبداع وانا من قبل ما تبدو في البودكاست وانا افكر اني اسوي واحد حتى اذكر اني علقت على هذا الموضوع في بدايات البودكاست
ما علينامن وجهة رأي انا اتفق مع عبدالوهاب بخصوص الادسنس
2 – الملاحظة الي ابي اقلها لك يا مشهور هو عدم تطور مستواك في عملية المنتاج -تذكرالاقتراح
3- ثالثا انا اوافق جميل بالنسبة للثيم الموسيقي في بداية اللعبة حان وقت تغيره
4- اتمنى ان ارى بعض المقابلات الصوتية مع مطوري العاب عرب او ناشري العاب العرب لمعرفة آخر مستجدات اللعبة من هم نلاشر لعبة امل الشعوب
5 – أتمنى ان أرى واحد من محبي العاب الآربي جي يتحدث معكم ماشاء الله كلكم من محبي العاب الشوتينج بس مالقيت احد محترف الار بي جي
6 – أنا اوافق جميل في انه حان الوقت لتغير الثيم الموسيقي للبودكاست يكفي عليه سنة انا مليت منه ههههههههههه
وبالتوفيق يا شباب ومن ابداع الى ابداع بإذن الله
اشاء الله 100 سنة قدام
و كملو شغلكم
بس ابي اساهم في اي حاجة عشان تكملو
(:
و عجبني الاسلوب الجديد لاحظتو
احسو اكثر عفوية
(:
مبرووووك
حركات عقبال الالف
انا كنت اقول ابي واحد يتكلم عن العاب الار بيجي
بس ما شاء الله جبتو احمد الاحمري >>> احبك يا احمد
الفكرة ضبطو اتصاله معكم
و الي الامام
وشباب خذو راحتكم وانتو نجربون
يعني خلو اخر نص ساعة تجارب
وحطو تصويت في المنتديات والمواقع الي تنزلون الحلقات فيه
وجيبو ناس صغار تساعدكم >> جيبو ناس ابو 18 عشان يستمر معك وما يتزوج الا مبطي هههههههه
الف مبرووك اخواني وعقبال العشر سنين قدام إن شاء الله .. <بس .! ~ خخ XD .
.
]
]
.. لما سألته ( فيصل ) وقولتله الفكره .. هل رفض في البداية او واجه مشاكل مع جميل .. 
.. ( برضوه لقافة 
) .
فهمت علي 
؟ .. ابعرف كيف التنسيق اللى يحصل .. مجرد مستمع 
ويحب يعرف كيف تسون الشغلات هذه .. 
] .. بس زي مالقيتوا واحد مبدع زيه وهو كان مستمع فقط .. صدقني راح تلآقي ناس كثيرة زيه .. 
.. مو معناها تقليل من شأنه لا والله .. ~ الاحمري على العين والراس .. [ اقولها من جد ومن دون مبالغة ] .. بس يعني هاه كذا يمين شمال تحصلون واحد زيه 
..
. <!!
..
اخوي مشهور مااعندي إي إقترحات حاليآ .! بس عندي كم سؤال يتعلق ب[ البودكاست ]
:
1- إغنية البداية والنهاية .. مين اللى سواها .. او إنتم أخذتوها جهازه من النت .. لإنها الصراحة صعبة واحد يسويها .. وانا اشوف في كل بودكاست لحن مميز وخاص .. ياليت تقولي كيف تسون مثل هذه .. [ من باب اللقافة فقط لآ غير
2- طيب جميل وعرفنا إنك تعرفت عليه من Warhawk .. فيصل كيف تعرفت عليه ..؟ [ إذا السؤال محرج مشي كأنك ماقريت السؤال
3 – السؤال الثالث إللي يتعلق بالثاني
4- اخر سؤال .. في الحلقات .. [ يعني لما تسجلون ] .. هل كنتم عارفين الخبر او ولآ لا .. يعني مثـلآ .! جميل : في خبر من EA كذا كذا وكذا وكذا .. , مشعور او فيصل .. : أوه ! حركه من جد . والله شئ طيب .الخ .[ كأنك سمعت الخبر اول مره .. ]
إللي بوصله .. هل تبدؤن بالتسجيل .. و مو لازم كل واحد يعرف كل الاخبار .. !
ثانية .لآحظت شئ غريب . .إنكم كل واحد له فقرة من دون ماتلمح يامشهور .. يعني مثـلآ .. انت قولت خبر .. وشويه كذا سكت .. إلا فجاة جاء فيصل وقال : فيه الخبر الثاني كذا وكذا .. .
————–
وبعدين ملاحظه صغيرة اخواني*, لآحظت في الآونه الاخيرة ..ماسرتوا تتطبقوا سالفة المشاركة من المستمعين .. [يعني تستضيفون ناس من المستمعين ] ..
ادري واللهي إنه احمد الاحمري ماشاء الله [ ماشاء الله ] عليه مبدع .. [ فن الكلام له دور
أهمم اوه صح . ما كأني كثرت كلام
اللع يعطيكم الف عافية وارجو ان يتم الاجابة على اسألتي
^
..
يوزع إبتسامات
كمل نجاحة الأول………..
مبروووووووووووووووك على سعودي قيمر
الف مبروك
سنه كانت مميزه للجيمر بانطلاق البودكاست
وان شاء الله نشوف منكم مزيد من الابداع بالتوفيق لكم …
ألف شكر جميعا على ردودكم
@عبدالوهاب
ثيم الموقع بيتغير بس بالتدريج مو دفعه وحده على اساس ما نلخبط الزوار اللي متعودين عليه. اما الاعلانات فشخصيا رافض فكرتها لاني احس انها تخلي الموقع شكله رخيص. عموما من ناحية الفلوس فان شاءالله فيه طرق ثانيه.
@Mix of love
صعبه تنفيذ الفكره لان بيكون فيها جهد كبير، والمستمعين عموما الى الآن يطالبوننا بزيادة الوقت، بس اعتقد ساعه الى ساعه ونص كويسه.
@Midoxp
2- يا ليت توضح لي حكمت استنادا على ايش، لان جودة البودكاست تطورت بشكل واضح من الناحيه التقنيه.
3- احتمال نغيره لو لقينا شي انسب.
@romd
1- جبتها من النت واتفقت مع صاحبها اني استخدمها للبودكاست عشان مسألة الحقوق.
2- فيصل ولد خالي. وتوني اكتشف اني ما قد جبت طاري هالشي بالحلقات. :p
3- كان مستغرب الفكره في البدايه، بس ما واجه مشاكل مع جميل خاصة انه كنا كلنا نعرف بعض في Warhawk والعاب ثانيه.
4- مو كل الاخبار نعرفها كلنا، فيه اخبار اكون انا اعرف عناوينها (او ملخصها) بس بينما جميل يكون عارف تفاصيلها، عشان كذا مرات تحس ان احد فينا متفاجيء من خبر او شي لان الثاني يكون عارف اكثر منه فيه. والاخبار تتوزع بيننا مسبقاً عموما حسب معرفة كل واحد بكل خبر.
ما شالله عليكم ..واصلو ابداعاتكم والى الامام
بتوفيك لكم..~
الى الأمام سعودي قيمر
وعندي شي ابي اقوله (اقدم واحد ) بس ما له دخل ولا أحد يعلق
بالنسبه لجميل فكان اول واحد اعرفه من قبل لا اشتري السوني حقي
بمقاطعه في LBP
معليش كنت ابحط اقدم واحد بعد جميل
ويا مشهور ما شاء الله عليك تعرف ترسم
الله بهديك يامشهور تحط رسمة ناس معنقزين
هههههههههههه
الي فوق كسر خاطري أحس أنه ما يبغى يطلع بالصورة
ههههههههههه
يعطيكم العافية على كل شي
وعقبال مية سنه (تخيلو نفسكم وانتم معجزين وباقي في البودكاست خخخخ )
الله يوفقكم.
Happy BirthDay ” SAUDI GAMER ” S2
من الحلقه 5 و أنا أسمعكم و قبل فترة سمعت الخمس اللي قبلها
يعني الحمد لله متابعكم من البداية و حتى النهايه و لي الشرف
الله يعافيكم و نتمنى لو كنا نقدر نساعدكم في إي شي ..
مبروك وعقبال الخمس سنوات
1/أتمنى تسون سؤال في آخر كل حلقة والفائز يشارك في الحلقة المقبلة
2/تسوون بطولة على مستوى الموقع في لعبة عن طريق الأونلاين
وشكوريين
الف الف مبرووك لكـم
والله حسيت آنـي آببكي
بودكـآست خيـآلي ! في البدآيـه كنت آستمع من آجل الآخبـآر الحين لآ .. عشـآن آسمع آرآءكم .. مدري بس يمكن عشـآن آنـي تعودت عليكم آحسن شخصيـآتكم مميزه
@Mashhoor
هههههـ ,
لآ كنت آعرف بس مدري آنت تقلته؟1 ولآ كيف خخخخخ
الف مبروك
كانت سنه جميله جدا معكم، واتمنالكم التوفيق في السنه الثانيه لكم
هي فعلا حلقة البودكاست طويلة ولكنها جدا ممتعة وعند نهايتها تحس بشوق إلى الحلقة القادمة
اتمنى لكم دوام التوفيق والنجاح
بالتوفيق يارب ابدعتووووووووو
نشوفكم ان شاء الله في هذه السنة احسن و احسن
كل عام وأنتم بخير
عقبال 100 سنة
الف الف مبروك والله .. ودوم يارب
صراحة الفكرة رائعة جداً وياليت شبابنا يحاولون يطبقونها على مجالات أخرى …
بدل مايفتحون منتدى كل ثانية وخذ قص ولصق ..
موفقين إن شاء الله وللإمام ..
@Noxchi Wolf
والله انك صادق غثونا بالمنتديات
عقبال المليار سنه << كثير صح هع
موفقين ان شاء الله
بس اذا مافيه مشاكل عندي اقتراح
الحين كل اسبوع انتم اللي تعدون الحلقه
ليه ماتخلون الأعضاء هم اللي يعدونها
يعني جنب سؤال الاسبوع يكون فيه سؤال ثاني .. اللي هو وش تبي تسمع الاسبوع الجاي (السعوديه الأولى P:) يعني اقصد وش يحب الأعضاء انه تتناقشون فيه انتم .!
وكل واحد يحط موضوعه وانتم تختارون .
وبكذا يكون أقرب للأعضاء ويحسون انهم هم فعلا شاركوكم في الحلقه
على العموم ايميلي ضاهر لكم واذا حبيتم عندي أفكار كثير ..
الله ينور عليكم ويارب ربنا يرزقكم بشركة العاب كاملة وتصيروا احسن منتجين وتطرحون روك ستار واكتيفيجن وتسوون العاب عربية 100 % … والله انها سهلة ولا هي بعيدة عن شبابنا وبالذات انتم متحمسين للشغلات هذي فا اذا تستهلت لكم حيكون لكم الدعاء والتوفيق باذن الله
@faisal0o0h
فكره حلوه بس المشكله انه بتصير فيه اشياء ما يدرون عنها الناس ممكن ما احد يجيب طاريها، عموما مشكور على الاقتراح واذا ما نفذناه فممكن ننفذ شي قريب منه
@نواف
مشكور اخوي، حنا تركيزنا على البودكاست، بس اعرف ناس عرب شغالين على هالموضوع بجهود ضخمه
السلام عليكم مشكور وماقصرت انا همام من سوريا وكنت عم دور بمحرك جوجل على اسم بود كاست لاني سمعت عنها واليوم عرفت شوهي صراحه مره حلوه وفكره جيله وانا شاكر لك وناوي اجربها على مدونتي مشكور غالي
ما قصرتوا يا شباب الله يعطيكم العافيه جهد كبير و فكره مبتكره و اللي عجبني الأسلوب العفوي و التنكيت و سعة الصدر اللي بينكم
استمروا يا شباب و الله يوفقكم ننتظر منكم اكثر