لقاء قناة السعودية الأولى مع سعودي قيمر
أكتوبر 9th, 2009
استضافني التلفزيون السعودي قبل يومين لعمل لقاء بخصوص الالعاب عموما و بودكاست سعودي قيمر خصوصا. و بما أنه على القناة الأولى و في الصبح بعد (يعني ما شافه الا 7 اشخاص بالكثير)، فاخذت التسجيل حق البرنامج و رفعته لليوتيوب عشان يشوفونه الباقين.
و لا تدققون واجد على المذيع و المذيعه، بتشوفون اسئله غريبه عجيبه في اللقاء 
اسمح لي أصير قليلة أدب هالمرة عن جد و ردا على الي تمسخرو على اشكال العالم
بيني و بينك انت اهديت لي هديه بانك خليتني اتعرف على البرنامج
و اول ما شفت حلقتكم الي سويتوها قضيه و على قولك ما شافها غير 7 اشخاص بالكثير
حملت المقطع و اول ما طلع لي صورتك و كنت متعاطفة مع الموضوع مبدئيا
قلت في نفسي معاهم حق اذا هذا المذيع كانه طالع من مستشفى امراض السرطان
بعدها اكتشفت انه انت بطل الفيلم
الشي الوحيد المشترك بيننا على فكره انو موضوعك كمان وافق فترة فراغ عندي
و الان انشغلت
شكلك وجه خير يا مشهور
و احب اقولك متاثره جدا باحمد الشقيري لدرجة انه يمثل لي قدوة
على الاقل في منتداه تلقى رقي اخلاق و اسلوب و نقد بناء
عموما يا اخ مشهور
الله يوفقك و يستر عليك
القصة و ما فيها ان وحدة من زميلاتي شافتك بالتلفزيون و طلبت لقاء صحفي معك و خلال بحثنا عنك اكتشفنا سطحية الناس اللي هنا و قررنا ان موضوعكم ما يستاهل
تخيلت للحظة لو قدمت لهالناس خدمة و قدر الله و صار اي خطأ مني أو من أي أحد يا ترى كم واحد بيسبني و كم واحد بيقول عني …… و كم واحد ( معرفة شخصية ) بيقول عني بثرة من وراي .. فانقهرت و رديت بهالاسلوب ..
قيّم التعليق:
0
@ليلى احمد
ما تعرضت للمذيع أو المذيعه بشكل شخصي أو سبيتهم، و لكن في نفس الوقت يحق لي في التعبير عن رأيي عن اللقاء. و بالنسبة لتعليق “7 اشخاص”، فواضح أنها مزحه حول الصوره النمطيه للقناة الاولى ان ما احد يتابعها.
و اذا زميلتك حكمت على أن الموضوع كله ما يستاهل بسبب وجود ناس ما عجبهم اللقاء، فهذا مع احترامي لزميلتك يدل على سطحيتها هي.
بالمناسبة، الاسئلة اللي كتبتها المعدّه للمذيعين كانت جيّده و متفقين عليها قبل المقابله، لكن المذيعين بدأو بتغيير مجرى النقاش و صاروا يسألوني اشياء من روسهم كانهم فاهمين الشغله صح. كان من باب اولى (بما ان المذيعين ما عندهم وقت للاعداد للضيوف) انهم يقرون الاسئله زي ما جتهم عشان ما ينحطون في موقف محرج زي كذا.
قيّم التعليق:
0
رجعت قرأت الردود ,, يبدو انك كنت مستاء من اللقاء و هذا حقك الطبيعي ,, و انا معك في ان المفروض المذيع و المذيع يطلعوا اكثر عن الموضوع لكن ما نقدر نحكم عليهم من خلال المقابلة هذي فقط ,, انا خلال متابعتي البسيطة مؤخرا وجدت عندهم ايجابيات كثيرة مثل ما عندهم سلبيات ,,
لكن بصراحة استفزني اسلوب بعض الأعضاء << و ليس الجميع ,,
زميلتي حكمت على البيئة ككل ,, من حق كل واحد ما يعجبه اي برنامج او اي شخص ,, لكن بدون ما يتعرض له و يسب و يشتم <<< ما أتكلم عنك انت شخصيا ,,
عموما الله يوفقك يا استاذ مشهور ,, و ان شاء الله تكون هذي كبوة حصان لك و لهم ,,
و اعتذر على اسلوبي السيء المتعمد ,, لكن كان الهدف منه ايصال رسالة و قد وصلت على ما اعتقد ,,
يعطيك ألف عافية على اللقاء ,, و ألف شكر للقناة الاولى لاهتمامها بالجانب الترفيهي ,, و ألف شكر لاجتهاد المذيع و المذيعة و محاولة ايصالة رسالة للمشاهد قد لا يفهمها الا أمثالي من الجاهلين بالقيمز ,,
طيب عندي سؤال ممكن ؟
ايش هو البودكاست ؟! بجد
قيّم التعليق:
0
مشهور نبغى نقاش مخصوص على الي صار في هذا الحوآآر في الحلقه 40
قيّم التعليق:
0
@ليلى احمد
ما اعتقد ان زميلتك حكمت على البيئه ككل، لان الاسلوب بعض الاعضاء اللي في الموضوع هذا مو موجود في المواضيع الثانيه. ردود الفعل في هذا الموضوع طبيعيه جدا (مع اني مثلك قد ما اتفق مع اسلوب البعض).
و بالنسبه لي ما اشوف نفسي اني غلطت عشان تصير لي “كبوة جواد”.
كلمة “بودكاست” معناتها باختصار البرامج الاذاعيه اللي تتسجل و تتوزع عن طريق الانترنت، يعني تقدرين تقولين الجيل الجديد من الراديو.
@black shadow
الموضوع اخذ كفايته من النقاش، فما اعتقد اني راح اجيب طاريه
قيّم التعليق:
0
ههههههههههه
والله المذيعه صاروخ هههههههههههههه
قيّم التعليق:
0
هههههه والله ماعرفين اي شي
كان قلتلها جهاز wii تنفع للاسرة
قيّم التعليق:
0
هههههههههه
المذيعين يحسبونك انت تصنع الالعاب
تخيل تصنع ميتل قير والله فله المذيعيعين
لو انا منك وعارف ان البث مباشر احشر والديهم
واقول انه يوم صنعت ميتل قير 4 كنت مستعجل لاكن ميتل قير 5 راح تكون احسن
احب اقولكم يا شباب الله يوفقكم والي قدام هههههههه
بالتوفيق
قيّم التعليق:
0
@ليلى احمد
معليش على المداخلة ولو اني متأخر لكن فيه نقاط معينه تكلمتي عنها أعتبرها غير منطقية, مثل ماادعيتي سطحية الشباب الموجودين في الموقع هذي فيها غلطتين, الغلطة الأولى انك حكمتي انتي وزميتلك على موقع كامل بناءا على الردود الموجودة فيه وهذا للأسف يعتبر من أسوىء القرارات وأسخفها لأن المشاركين مايمثلون الا صورة بسيطة عن الموقع, عكس نظرة الموقع الفعلية اللي أشوف انها فريدة من نوعها ومن عرفت الموقع وأنا أدخله بشكل شبه يومي وضايف الصفحه حقتهم في الفيس بوك عشان أتابع أخبارهم أول بأول.
الغلطة الثانية كلامك ورأيك عن الشباب في الموقع, ودي أسألك سؤال جدي, هل أنتي راضية عن اللي يصير في المنتديات والمواقع العربية من ردود تافهه اللي توصل إلى عشرات الردود وآخرتها كله مشكوووور على الموضوع الله يعطيك العافية؟ طيب وين النقاشات ووين الآراء؟ إذا كان هذا الوضع معجبك أنتي وزميلتك فأنا متأكد إن موقع سعودي بودكاست محظوظ يوم زميلتك كنسلت قرارها باستضافة أصحاب الموقع.
برضو فيه نقطة لفتت نظري وهي سؤالك عن البودكاست .. يعني بالله عليك بعد ماقلتي الكلام اللي قلتيه في الأخير ماتعرفي وش البودكاست؟ أقل الإيمان انك قبل لا تكتبي الرد تكوني عارفة الهدف الرسمي من تأسيس الموقع.
الموقع اللي جالسة تنتقديه طلع بفكرة فريدة من نوعها بين المواقع العربية المملة اللي كل مافيها نقل مواضيع من موقع شغلته ينقل مواضيع من مواقع ثانية تسوي نفس الشغله وأعضائها المملين اللي من كثر تشابه ردودهم تحس انهم مبرمجين كل ردودهم مشكور على الجهد اللي سويته بينما الجهد اللي سواه راع الموضوع انه دخل موقع وسوا نسخ وجا لموقعه وحط لصق وانتهى جهده الفذ.
فيه أهداف ومميزات كثيرة للموقع واصبري عليه بعد فتره بسيطه باذن الله بيصير من أفضل المواقع العربية لأن مع احترامي المواقع العربية 99.9% منها مستواها في الحضيض .. ولو ان الموجع في الموضوع ان مع شهرة الموقع راح تطلع المواقع السامجة بأفكار منسوخة بشكل صريح من سعودي جيمر واذكري كلامي زين ..
معليش على الإطالة لكن كان في بالي كلام أكثر من كذا لكن لاحظت ان اليوم وأمس حطيت ردين الظاهر انها اطول ردين في الموقع
قيّم التعليق:
0
يا مشهور الله يهديك اترك عنك اللعب وامن مستقبلك واترك خرابيطك هذي القيم واللعب والله ان تطقها ندامه اذا كبرت ومنت قادر تبني بيت و تتزوج وتربي اسره ! يا مشهور حسن من وضعك واترك عنك دور الرجل العظيم لانه لا يليق بك وان هكذا همك الالعاب
بالتوفيق عزيزي
قيّم التعليق:
0
فكرة ذكية جدا انك رفعت المقطع علشان نشوفه لاننا فعلا ما شفناه في التلفزيون
بس تبي الصراحة الصراحة
احس ان صوتك مو راكب على شكلك !!! ما تلاحظ ذا الشي ؟
قيّم التعليق:
0
يعني الحين هو عاطل؟؟؟
مافيها شي يدرس ويلعب وبعدين ماشاء الله الرجال اشتهر
وماهو كل من يلعب يعني عاطل عن العمل او الدراسه
بالتوفيق للجميع إن شاء الله ..
قيّم التعليق:
0
والله يا مشهور اعتبرك شخص متميز
وما عليك من ردود اي شخص ينظرك بشكل سلبي
بالتوفيق
قيّم التعليق:
0
what the hell man?
i salute you for holding your horses
قيّم التعليق:
0
شكلك رهييييييب
احسن من الي توقعته
قيّم التعليق:
0
صراحة ما قصرت يا مشهور .. مدري كيف فهمت الأسئلة الغريبة اللي جاتك
انا ما اتتريق لكن من جد خلونا نتكلم بعقلانية .. الحين دامهم مو فاهمين وش الطبخة وشو له يتقابلون معه عشان يتفلسفون ويسوون فيها ولا عشان ياكلون محشات وبس ؟
يعني اسئلة منت داري من فين جاية ؟ يقول لك تطور العاب اجل ! تقول له بودكاست يعني نعمل تسجيل وذا .. يقول طيب لمن فيه خبر عن لعبة كيف تكون طريقة عرضكم يعني تاخذونها وتطوروها وتحسنوها وتعلنوها !!
وش الكلام ذا يا عالم ! والله لو انه ولد اخوي الصغير ما قال كذا !
يعني اذا كانوا عارفين نفسهم من البداية مافي راسهم كانوا على الأقل يسألون اللي مكتوب في الورقة حقت المقابلة بدون زيادة وفلسفة ونمك فاضي بس !
المهم دامهم حبوا يتفلسفوا يتحملوا اللي يجيهم :p
كله كوم ولا يوم يقول وكل واحد معاه محرك بلايستيشن هههه
ايش الفلسفة اللي مال امها داعي ! قول بلايستيشن وفكنا وخلاص
قيّم التعليق:
0
@متفرج
ياليت تقول شئ معقول !! وينهضم !!
يعني الحين تقول لي الدبشه ( محمد الرديني ) مهندس شبكات اكبر من اللي نعرفه ؟؟
سؤال :
وشلون مهندس شبكات مايعرف بودكاست ؟؟؟ المفروض يستحي على وجهه !!!قسم بالله المقابله فضيحه, وفشيله … من جد يامشهور انا مستحيل اكمل المقابله .. ماشاءالله عليك اللي قدرت تستحملهم خاصه المذيع الطاره !
لي عوده … ابي اقرأ بقيه التعليقات .. لان فيها مايشفي الغليل هههههههه
قيّم التعليق:
0
لمن لايريد رؤيه الحلقه ( اوافقك الرأي ) ويريد ان يعرف ماجرى من المقابله :
1- اعداد المذيعين من اسؤاء مارأيت في حياتي , وترى ذلك جليا من بدايه السؤال الاول, بحيث ان المذيع الغفله لا يعلم من يقابل بالتحديد ( يعتقد ان الاستاذ مشهور مصنع العاب وليس مقدم بودكاست – هذا ان دل فانه يدل على فشل الاعداد وعشوايه الاسئله )
2- مقاطعتهم لمشهور اكثر من مره … يعني المذيع المفروض يسأل السؤال وينتظر الاجابه, بس اللي حصل عكس ذلك , فكانو المذيعين يقاطعون بعضهم البعض ويسألونك سؤال معين , وعندما يهم الضيف مشهور في الاجابه .. يقاطعونه ويتفلسفون عليه في التعليقات الزائده ..
3- من اكبر السقطات المذيع عندما قال : سمعنا مقطع من اللي تسويه !
يعني الاستاذ مشهور قال لك في البدايه انه يقدم زي ماتقول شغل اذاعي , وبعدين تقول له قدم لنا ؟ طلع الاستاذ مشهور مغني على غفله وحنا ماندري ( مشهور والله اهنيك على سعه بالك )
4- عندما نرى مذيع يمدح نفسه ويمدح البرنامج .. ( اذا لم ترى ذلك من قبل فبامكانك رؤيه نهايه المقطع الثاني , عندما يقول البرنامج احتوى على برامج متنوعه ومرورى بالالعاب .. )
5-لقد ألجتم المذيع واحرجته عند اضافه معلومه عن البنات واحصائيه الـ 10% .. فلم يتوقع المذيع الغفله انك سوف تضيف معلومه وبدا يتخربط ولا يدري وش يرد ..
ملاحظات عن التعليقات :
من الواضح جدا ان المدعوه ( ليلي احمد ) هي المذيعه , وذلك من ردها ومدحها للمذيعه التي في البرنامج ( كاد المريب ان يقول خذوني )
المذيع قد كتب كم رد في الموضوع ( مانيب قايل لكم اسمه لانه واضح جدا , وهو اللي قال في التعليقات :
اقتباس من رده :
والله اني اقول كلمة حق في الاثنين , محمد الرديني وهو مهندس شبكات اكبر من اللي في بالكم رغم صغر سنة و خلود النمر ووهي اعلامية معرفوة وقديرة في اكثر من قناة واعتقد مشكلتنا اذا ماعرفناهاا …
الزبدة ومالكم بالطويييييلة
ورب البيت اني اعرف كل خفايا هالحلقة ……….
اول شي هذا اطول برنامج عرفه التلفزيون
اربع ساعات متواصله على الهواااء
جورج قرداحي وهو جورج قرداحي ,, ما عمره طلع دقيقة على الهوااء من الخوف وكل برامجه تسجيل.”
انتهي اقتباسه – بالامكان الاطلاع على رده وهو في الصفحه الثانيه من التعليقات –
3- اللي علقو ماللومهم , لان اللي صاير شئ يرفع الضغط , فحنا كجمهور ومعجبين ننتظر لقاء يكون في مستوى التطلعات , لكن حدث العكس , مع ذلك استمتعنا في طله مشهور الدبيان البهيه ,لكن اشكر مشهور مره اخرى على سعه صدره والرد اللبق وهو اللي اضاف متعه في مشاهده اللقاء
* انا مادري ليه احساسي يقول ان الرد مو طالع , لكن اتمنى من كل قلبي انه يظهر لانه بيشفي غليل كل جمهور سعودي قيمر .. ارجوك رجاء تظهر الرد .. تحياتي
قيّم التعليق:
0
أسوأ مارأيت من إعداد وتقديم ….. المذيعه والمذيع لايفقهون شيئا عما يقدموه وكأنهم من قرن آخر ويريدون أن يتعرفوا على كائن فضائي ولهم كل الحق في أن يوجهوا له أشئله غريبه تثير الإشمئزاز والضغط لدى مشهور ولدينا نحن المشاهدين المصدومين !!!!!!
وفقك الله يامشهور … للأسف واجهت كائنات من العصر الحجري لاتدرك شيء مما قلته وأكاد أن أجزم في أنهما لم يفهما مما قلته شيئا حتى الآن … فلقد كانوا يتكلمون مع مطرب من وجهة نظرهم في حين أنهم في الحقيقه كانوا يتكلمون مع مذيع حلقات راديو للشباب عن أخبار الجيمز والشركات المنتجه لها
دعك مماسبق …. وإللي فات مات …. ومعاك كل الحق في أن تغضب من هؤلاء المذيعين .
مهندس:أحمد كامل
قيّم التعليق:
0
تراهم مب فاهمين شي .. يقولون يلعبون ولا يسمعون يحسبون البرنامج البودكاست لعبه خهخخخخخخخخخخخخخخخ
قيّم التعليق:
0
ياشيخ يقهر مب راضي يفهم كل يربط الالعاب مع الاطفال ودي اصطره لول
قيّم التعليق:
0
غير سوء الإعداد نجد المشكلة المريرة بعدم مواكبة الثقافة.. البودكاست مشهور عالميا من عام 2004.. و حتى تاريخ الحلقة (أي ما يقارب الست سنوات) و لم يعرف المذيعين أي فكرة عنها.. بصراحة.. بالنسبة لإعلاميين فهو ذنب لا يغتفر!
…
صحيح انه المذيع اخذ الكثير و الكثير من النقد و التجريح من الأخوان.. لكن نوعا ما أحس انه يستاهل ما جاه.. حركاته, لفتاته, كانت تحمل نوعا من الاستهتار بالضيف و يظهر ذلك جليا لمن غمز لمشهور آخر المقابلة و هذا بحد ذاته مصيبة.. كلامي مبني اني شفت له كذا مقطع غير مقابلة مشهور و كان يتصرف بطريقة.. غريبة.
قيّم التعليق:
0
مع احترامي الشديد للمذيعين الا انهم ماهم ماخذين الصوره الصحيحه ومراجعين الاسئله وعارفين عن ايش يتكلمون لان اسئلتهم تدل على ذلك.
حتى انت ودك تقول أشياء وتوضح بس هم يقاطعونك وكانهم فاهمين =\
بـ التوفيقاخ مشهور.
قيّم التعليق:
0
يُفترض إنهم ناس سمعوا حلقة من سعودي قيمر أو قرأوا على الأقل تعريف البودكاست قبل لا يبدأو التسجيل :\
ياخي الله يفشل إبليسهم، كل سؤال أتعس من التاني وكل شوية أقول يا رب مشهور ما يقتلهم هههههههههههههههه
أما لما قال خلينا نسمع شي عاااااد هذا فيلم تااااااني هههههههههههه كان غنيت لهم الأغنية اللي تجي في بداية كل بودكاست تبعتكم والله رهيبة تعيّش الجو هههههههههههههههههه
يعطيك العافية أخوي وأهنّيك على صبرك ، صراحة طيّحت سوقهم دولا المذيعين هههههههههههههه
قيّم التعليق:
0
كااااااااااااااااااااي عليهم عايشين في الطراوة وفي الباي باي ومو عارفين اللي قدامهم مبرمج وللا مذيع وللا لاعب وللا طبيب اسرة والله انهم مو دارين قد ايش فشلوا نفسهم قدام القيمرز ههههههههههههه
انا اعشق العاب البلاي ستيشن ومع مشهور مية مية لما قال انه العاب البلاي ستيشن تعلم وتقوي اللغة الانجليزية بلا مواد دراسية بلا مدرسين خصوصيين بلا فرنقع بلاي ستيشن مع القاموس جنبه وتطلع في الانجليزي تماااام.
سمعت بودكاستكم عالطاير وعجبني ودحين حمستوني اتابعكم وراح تكونوا اول بودكاست اتابعه بإذن الله.
قدااااااام يا مشهور احس انه حركات يدك اللي باين فيها شوية عنف جات عشان قاعد مع دولا المذيعين الاثنين. احييك على صبرك وادارتك للحوار بدون ما تفشلهم وثقتك بنفسك وجهدك في كتم ضحكة على بلاهتهم وانك ما طحت من على الكرسي من الاحباط هههههههههههه
قيّم التعليق:
0
أفكار المذيع اثناء اللقاء
هل هو يسوي العاب؟
هل هو اخترع لعبه تنسمع مو ينلعب فيها؟؟
طيب هل هو مثلاً يذيع اغاني وقصص في الاذاعه؟؟
هل هي اصلاً اذاعة؟؟؟
طيب هو عنده موهبه هذا شي انا متأكد منه … لو سمحت اعرض لنا موهبتك عالهواء الآن
ومشهور قاعد يقول في نفسه انا وش جابني هنا؟؟؟؟؟؟؟؟؟؟؟؟؟؟؟؟؟؟؟
قيّم التعليق:
0
@iGarni
هههههههههههههههههه
بغيت اموت من الضحك
والله انك صادق
قيّم التعليق:
0