ابتداء من هذا الشهر بنشاركك بنهاية كل شهر بإذن الله بالعابنا المفضّلة لذلك الشهر.
الالعاب التي نحطها في القائمة هي الالعاب اللي يشتريها و يلعبها (أو انتهى من لعبها) عضو أو أكثر من أعضاء فريق سعودي قيمر، و مرتّبه حسب متوسّط تقييم الفريق لها. التقييم مبني على درجة الاستمتاع باللعبه في وقت التقييم مو جودة اللعبه ككل، يعني الالعاب الجديدة عادة بتاخذ ترتيب أعلى من الألعاب القديمة.
ألعابنا المفضّلة لهذا الشهر (بالترتيب) هي:
Uncharted 2
Scribblenauts
Tekken 6
WWE Smackdown vs Raw 2010
Eye Pet
شكراً للأخ أحمد (ما اعرف اسمه كامل للاسف) لاقتراحه هذا الموضوع الشهري.
وش كانت العابك المفضّله اللي اشتريتها و لعبتها هذا الشهر؟ شاركنا فيها بالتعليقات
توقّف عمل الموقع اليوم الخميس من الساعة 3 العصر الى 9 بعد العشا تقريبا بسبب وجود مشكلة في سيرفر الموقع تسببت في مسح جميع البيانات، و اجبر الشركه اللي مستضيفة الموقع انها تستخدم نسخة احتياطيه من البيانات بتاريخ أمس.
انمسح آخر كم تعليق من موضوع الحلقة 38، و اذا كنت مراسلنا خلال الفتره المذكوره، فياليت ترجع تراسلنا مره ثانيه لانه احتمال انه ايميلك ما وصلنا.
أضفنا صفحة “عن فريق العمل” فيها معلومات عننا و صور لنا.
راسلنا جميع الأشخاص اللي تنطبق الشروط عليهم بالنسبة لموضوع المشاركة في البودكاست. اذا راسلتنا بخصوص المشاركه و ما وصلتك رساله من فيصل الى الآن، فمعناتها عدم مطابقة الشروط.
لقينا رسايل كثيره بمجلّد الـspam بنحاول نقرا أكبر قدر منها في الحلقه الجايه ان شاءالله، فاذا ارسلت لنا سؤال حلو و ما قريناه، فاحتمال انه ما وصلنا من الاساس.
مشهور الدبيان،، جميل عبدالأحد (Jemimaru)، فيصل (Gun3or)، طلال الصبحي.
في هذه الحلقة:
تقييم Uncharted 2، هل هناك اجزاء قادمة لـUncharted و Assassin’s Creed؟، تقليد PSPgo، مايكروسوفت تمنع استخدام اجهزة التخزين المقلده، كيف تطوّر لعبه للـxbox360، و المزيد!
استضافني التلفزيون السعودي قبل يومين لعمل لقاء بخصوص الالعاب عموما و بودكاست سعودي قيمر خصوصا. و بما أنه على القناة الأولى و في الصبح بعد (يعني ما شافه الا 7 اشخاص بالكثير)، فاخذت التسجيل حق البرنامج و رفعته لليوتيوب عشان يشوفونه الباقين.
و لا تدققون واجد على المذيع و المذيعه، بتشوفون اسئله غريبه عجيبه في اللقاء
مثل ما قلنا في الحلقة 35 في البودكاست، ندوّر عن ناس جدد يشاركونا في حلقات البودكاست بشكل دائم. الحاليين فيهم الخير و البركه (انا، جميل، فيصل، سلطان)، لكن عشان يكون فيه تنويع و فائدة أكبر للمستمعين (اللي هم بالمئات كل حلقة)، نفضّل يكون فيه ناس اكثر.
هدفنا في النهاية نطلع بـ5 اشخاص مميّزين (كحد أقصى) يشاركوننا في الحلقات و يفيدون المستمعين بتجاربهم و ارائهم. و طبعا بما انه ما يقدرون يشاركون كلهم دفعه وحده (لاسباب فنيّه بالذات)، فراح يلف الدور عليهم حسب الحاجة.
