الحلقة 34: اسمه مستشعر الحركة
تقديم:
مشهور الدبيان، جميل عبدالاحد (Jemimaru)، فيصل (Gun3or)
في هذه الحلقة:
تقييم سريع لـScribblenauts، انطباع أولي عن Need For Speed Shift، انطباع أولي عن لعبة Aion، دفعة جديدة من الالعاب المؤجلة الى 2010، ربط Uncharted 2 مع Twitter، و المزيد!
روابط ذات صلة:
وصل لنا 100 كود لديمو Uncharted 2 الجديد (ما تقدر تحمّله الا باستخدام كود حالياً). اذا كنت تبي واحد عشان تجرّب وحده من أكبر العاب 2009 على الـPlaystation 3، ببساطة ارسل لنا ايميل (حتى لو ايميل فاضي) على codes@saudigamer.com، و بنرسل لك كود للديمو في اسرع وقت.
الكود ما يشتغل الا على الحسابات الأمريكية فقط. و الديمو هو لطور الأونلاين، و ليس طور القصة.
لتحصيل الكود، ببساطة تروح لأيقونة Playstation Network ثم Account Management ثم Redeem Codes، و تدخل الكود هناك، و بيخليك تحمّل ديمو اللعبه.
ألف شكر لمستمع البودكاست دحّومي (tigerksa على البلايستيشن) لارساله الاكواد لنا.
تحديث: البعض اشتكى ان الكود اللي ارسله له ما يشتغل معه. ما اعرف ليش صراحه، خاصة اني اذا جربت الكود اللي فيه مشكله يشتغل معي بدون مشاكل. حاول تجرّب الكود بعد فتره، يمكن يظبط.
تحديث 2: تم توزيع جميع الاكواد. اللي ما وصله ردي الى الآن، فارجو انه يعذرنا، بس الطلب كان اكبر بكثير مما تصورنا. اللي ما يشتغل معه الكود يحاول فيه اكثر من مره. كل اللي اشتكوا من اكوادهم طلعت اكوادهم تشتغل عندي، فيبدو ان فيه مشكله بالموضوع.
تحديث 3: وصلنا تنبيه من أحد الاخوان ان الكود اللي حصل عليه منتشر في الانترنت. أما ان الاكواد متسرّبه من الشركه المسؤوله عن توزيع الاكواد، أو ان الأخ دحّومي (اللي ارسل لنا الاكواد) موزّع الاكواد لناس ثانيين قبل كذا. بكل الاحوال، نعتذر عن اللي صار و باذن الله ما راح يتكرر ثاني مره، و اللي امداهم يستخدمون الاكواد قبل ما تنتشر فالله يهنيهم.
مثل ما تعرف وقّفنا البودكاست مؤقتا بسبب لخبطة الاوقات و الارتباطات اللي تصير برمضان. بس حبينا نعطيك خبر عن الموعد المبدأي لنزول الحلقة القادمة، و هو يوم الأحد 27 سبتمبر ان شاءالله. اذا كنت تتابعنا عن طريق الـfacebook أو twitter فبتعرف اول ما تنزل الحلقة. و طبعاً اللي مشتركين بالبودكاست باستخدام برنامج iTunes بتنزل لهم الحلقة تلقائيا كالعادة.
من هنا الى وقت الحلقة، اللي ما يبي تفوته اخبار ممكن يقراها بموقع NG4A، و اللي يواجه مشاكل او يبي يناقش موضوع معيّن ممكن يزور قسم الالعاب في منتديات adslgate، كلها مواقع صديقة (و كبيرة) كانت تدعمنا من بدايات البودكاست.
عندنا افكار لاشياء حلوه كثيرة بنبدأ بتطبيقها تدريجيا بعد العيد ان شاءالله. فلا تنسانا 
الحلقة 33: لا حياء في الارهاب
تقديم:
مشهور الدبيان، جميل عبدالاحد (Jemimaru)، فيصل (Gun3or)
في هذه الحلقة:
نقاش عن تحديث PS3 الجديد، الانترنت على الـWii اصبح مجانياً، مقارنة بين سرعة PS3 الاصلي و PS3 slim، اضافات Final Fantasy 13، و المزيد!
روابط ذات صلة:
تستخدم twitter؟ حصلنا للتو على حساب saudigamer في twitter من الاخ خالد (من مدوّنة Saudi Mac) صاحب الحساب السابق، اللي اهدانا اياه مشكوراً.
ما تعرف وش هو twitter؟ هي خدمه بسيطه جداً تستخدمها عشان تكتب مسجات خفيفه يشوفونها الناس اللي يتابعونك بالموقع، و انت تشوف مسجات الناس اللي تتابعهم. و حساب موقعنا بنستخدمه عشان نكتب عن الحلقات الجديدة لحظة نزولها أو أي جديد مرتبط بالموقع. و بتكون بعد طريقة سهله و سريعه للتواصل مع المستمعين اللي يستخدمون twitter.
فاذا عندك حساب في twitter، لا تنسى تتابع SaudiGamer! 
حمل برنامج iTunes للاشتراك بالبرنامج لتحصل على الحلقات فور صدورها كل اسبوع.
عندك اقتراح؟ سؤال؟ ملاحظه؟ راسلنا على:
info @ saudigamer.com