بالنسبه للاخبار، فما راح نغطّي اشياء بسيطه جدا ممكن ما تفيد الا المتعصبين لجهاز معين او المتعمقين فيه، و انما الاخبار البارزه بشكل عام. ابيك تجرّب تجمّع الاخبار المهمه اسبوعيا لكل الاجهزه و تشوف بنفسك كيف ان السوني انشط بنسبه واضحه. لو فيه اخبار للاجهزه الثانيه خاصة للاكس بوكس فما اعتقد اننا بنتركه عن قصد

أعجبك التعليق؟ +1

يعطيك العافية مشهور على ردك ورحابة صدرك … وصدقني أنا مو قاعد أتصيد أخطاء، لكني لاحظتها كم مرة فقط وحبيت أنبهكم فقط … وللمعلومية أنا ما أهتم للأخطاء هذي كثير أو مثلا أقعد أتصيدها عليكم، ولكنها فقط تخليني أتنرفز شوي خخخخ .. خصوصاً إنكم تخاطبون شريحة كبيرة من اللاعبين الهاردكورز، ومعلومة بديهية مثل سعر الوي المفروض الكل يعرفها … لكن عموما مثل ما قلت ما فيه أحد معصوم عن الخطأ …

وبالنسبة لموسم الأعياد، أيضاً حتى المحترفين مهتمين بشكل ضخم بمودين وورفير 2، حكاية تأثير اللعبة على ألعاب التصويب فقط هذا كلام مو صحيح … أصلاً مجرد وجود إصدارة عليها اسم Modern Warfare هذا بحد ذاته لإرعاب أقوى المنافسين .. لعبة مثل MW2 راح تجبرك على إنك تهتم فيها حتى لو كانت من كارهين الFPS … وإلا ليش شفنا عشرات الألعاب تتأجل لسنة 2010؟؟!! موسم الأعياد صعب جدا وتحتاج اسم قوي وحملة إعلانية أقوى حتى تنجح فيه في السوق الغربي، غير كذا راح تطلع بخسائر ضخمة، حتى لو كنت تفكر تصدر لعبة ريسنج ومنافسك من نوع الFPS مثلا …

بالنسبة للأخبار، والله أختلف معك بحكاية إن الPS3 أخباره أكثر من البقية، يمكن الأسبوعين اللي فاتوا أتفق معك خصوصاً مع إعلان الPS3 سليم والضجة اللي عملها … لكن قبلها بالعكس كانوا متساوين تماما بل على العكس فيه فترات كانت فيها أخبار ننتندو ميكروسوفت وننتندو أكثر … غير كذا الأسبوع اللي فات كان فيه إعلانات مهمة في معرض ليفل 5 ، ما ادري هل ذكرتوها أو لا ؟ (مو فاكر اذا ذكرتوها والا لا خخخ)

وآسف مرة ثانية على الإطالة، ومشكور جداً على رحابة صدرك وتقبلك للنقاش … وما قصرتوا يا شباب وبانتظار الحلقة القادمة

أعجبك التعليق؟ +1

النقطه الاولى: مافيه احد معصوم عن الخطأ، و ذكر المعلومات في تسجيل اصعب بكثير من ذكرها على الانترنت، لانك تكون في وسط نقاش و تظطر تقول معلومه من اللي تعرفه، بالعكس مجرّد الكتابه اللي تاخذ وقتك في البحث و التفكير.

و عموماً لو نغلط في اغلب اخبارنا كان اتفق معك، بس طريقة تصيّد الاخطاء مثل ما انت جالس تسوي الحين ما اعتقد بتنفع احد. خاصة ان كلامنا عن موسم الاعياد مثلا كان المقصود فيه عشّاق الالعاب مثلنا اصلا

النقطة الثانيه: ان كان لنا توجّه، فهو توجّه للـconsoles ماهو للبلايستيشن 3. اعتقد لو تجرّب تحصر اخبار الاجهزه المهمه خلال اسبوع، بتلاحظ ان اخبار السوني كثيره غالبا، و ما راح نقلل منها عشان نرضي اصحاب الاجهزه الثانيه، و بنستمر نغطّي اي شي له علاقه بالالعاب ان شاءالله بغض النظر عن الجهاز

و بالمناسبه، جميل عنده Wii، و انا اهتم باخبار الـWii. فيصل الوحيد اللي اهتمامه محصور بالسوني.

النقطه الثالثه: اقتراح جميل و حاطّه من ضمن الخطه، بس ضيق الوقت ما سمح لي اسويّه، بتشوفه قريب بالموقع ان شاءالله

الف شكر على نقدك و ملاحظاتك، و يعطيك العافيه

أعجبك التعليق؟ +1

عندي بعض الانتقادات والملاحظات اللي يا ليت تتقبلوها مني بصدر رحب.

أولا عندكم بعض المعلومات الخاطئة،وسبق ولاحظتها أكثر من مرة .. مثلا هالمرة قلتوا معلومة عن سعر الوي (وهي معلومة بديهية لأي شخص متابع للسوق) حيث إنكم قلتوا إن سعره في امريكا 800 ريال (اول مرة اعرف ان امريكا يتعاملون بالريال خخخ) بينما سعره هو 250 دولار، ما يعادل 980 ريال تقريبا، يعني مساوي لسعر اكس بوكس 360 برو عكس اللي قلتوه إنه ارخص منه …

المعلومة الثانية هي Modern Warfare 2 وحكاية موسم الأعياد وعدم تأثيرها وإنه اللي يحب ألعاب السيارات حيأخذها وما راح تؤثر عليه، هذي معلومة خاطئة أيضاً …. موسم الأعياد الغربي تزدحم في إصدارات الألعاب لسبب واحد فقط، وهو إنه موسم الهدايا … 90% أو أكثر من المشترين في موسم الأعياد يشترون الألعاب كهدايا لأقربائهم وأصدقائهم وغيره …. طيب كيف حيشتري اللعبة وكيف حيضمن إنه راح تعجب صاحبه أو قريبه؟؟؟!! ببساطة راح يتبع الحملات الإعلانية، ونظرا ان MW2 عليها هالة إعلامية ضخمة جدا جدا، فشيء طبيعي بتكون الوجهة رقم 1 لجميع المشترين في موسم الأعياد … طبعاً فيه شريحة اللاعبين المحترفين (الهاردكورز) واللاعبين المتابعين للسوق اللي راح يشترون MW2 وألعاب أخرى في موسم الأعياد، ولكن للأسف النسبة هذي ضئيلة جدا وبالكاد تكون 10 او 20% فقط من إجمالي المستهلكين …. بينما الأغلبية الساحقة (اللي يشترونها كهدايا، أو الكجوالز والنون جيمرز) راح يشترون الألعاب اللي عليها حملات إعلانية ضخمة مثل MW2 واساسينز كريد 2 وغيرهم …. وعلى فكرة هذي الألعاب بدأت حملاتها الإعلانية فعليا في امريكا، يعني توقعوا أرقام مرعبة حرفيا منها !!!

النقطة الثانية اللي حبيت أتكلم عنها هي توجهاتكم وميولكم، أتوقع كان من الأفضل إنكم تستمرون كبودكاست مختص بالPS3 لأنكم بصراحة مو معطين الأجهزة الأخرى حقها بشكل كافي … وميولكم للPS3 وحتى الPSP واضح ولا يمكن انكاره … أتمنى إنكم اذا كنتم بتستمرون على طريقتكم في طرح أخبار جميع الأجهزة والشركات، يا ليت تستضيفون أشخاص مطلعين على أخبار ننتندو وميكروسوفت مثلا، وعندهم أجهزة مختلفة (أعتقد اثنين منكم عندهم PS3 و360، وواحد عنده PS3 فقط، وولا واحد منكم عنده وي؟) لأن البودكاست يميل لطرف واحد فقط بشكل كبير، وهذا مسبب جو غير متوازن بالنسبة لكم وللمستمعين ….

النقطة الثالثة، يا ليت تحطون صفحة جانبية في الموقع للتعريف بكم، معلومات بسيطة عن كل شخص فيكم، اهتماماتكم، أسمائكم على PSN وXBL مثلا …. بتكون فكرة حلوة وراح ياخذون المستعمين فكرة أكبر عنكم …

هذا كان كل اللي عندي، وآسف جدا على الإطالة وآسف إذا كنت جرحتكم أو قللت من شأنكم بالانتقادات والملاحظات، لكني أتمنى إنكم تتقبلونها وأنا ما قلتها إلا لأني أبغى أشوف البرنامج بشكل أفضل ….

أعجبك التعليق؟ +1

أشكركم على المجهود المتميز …. متابع بصمت من الحلقة الأولى ونسأل الله لكم السداد والتوفيق…

لمن لم يسبق لع أن رأى جهاز Good Boy هذه وصله صورة له

http://memweb.newsguy.com/~gameman1/images/GOODBOY.JPG

أعجبك التعليق؟ +1

1: مشهور 2: جميل اما ال 3: فماله داعي اساسا صوته ياريت يحسنه

وجهة نظري

وكل عام وانتم بخير

أعجبك التعليق؟ +1

ضحكت على دعاية سوني يوم الشايب يقول كماااااااااااااااااااااان

ههههههههههههه

حلقه حلووه مشكورين

وشوفو المقطع الي رسلته لكم رساله

أعجبك التعليق؟ +1

الف تحية لكم

أعجبك التعليق؟ +1

على اعلان حق سوني

what’s wrong with him ? lol

أعجبك التعليق؟ +1

وجاري الاستماع ولي رجعه

أعجبك التعليق؟ +1

جاري التحميل و الأستمااع

َّ<– اول واحد يرد اول مرة في حياته خخخخخخخخخخخخ

almssafer1

أعجبك التعليق؟ +1